Dakizuen bezela, Sutu Hernani taldea abuztu osoan zehar ekintza ezberdinak egiten aritu da.
Hemendik aurrera ere horrela jarraitzeko asmoa dugunez, datorren ostegunetik larunbatera, hau da, irailaren 3tik 5era, Gazte Topaketa antolatu dugu Goizuetako borda batean. Bertan ekintza ezberdinak egin, lagun berriak egin eta nola ez disfrutatzeko sekulako aukera edukiko duzue.
Izena emateko zerrenda Garin tabernan dago, eta pertsona bakoitzak 20 euro jarri beharko ditu. Oso esperientzi polita izango delakoan, jendea animatzeko gonbidapena egiten dugu. Eramateko gauzen artean: lo-zakua, kantinplora eta bainujantzia.
Bestalde, esan behar dugu herriko gazteok lanean jarraitzeko asmoa dugula, eta horretarako irailean egingo den bilerara etortzea eskertuko genizueke; kuadrila guztiek denon artean abendura arteko plangintza polit bat egiteko. Badakizue, animatu eta parte hartu, denon artean ikusi dugulako sekulako lana egiteko gai garela.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!