Aurreko idatzietan esan bezala, TTIP izenez ezagutzen dugun akordioak, bere arbitrai epaitegi propioen eraketa aurreikusten du, gisa bereko beste akordioek egin duten bezala; NAFTA (AEB, Mexiko, Kanada), TPP (AEB, Hego pazifikoko herrialdeak eta Japonia)...
Dagoeneko ikusten ari gera nola epaitegi berezi hauei esker, enpresa transnazionalak estatu batzuk salatzen hasiak diren:
-Philip Morris tabako enpresak, Australiako gobernua salatu du, zigarro paketeetan tabakoak eragiten dituen eritasunen argazkiak jartzera derrigortzeagatik.
-Lone Pine enpresa petroleroak, Quebec-ko gobernuari 250 milioi dolarretako kalte ordainak eskatu dizkio Frackinga erabiltzen ez uzteagaitik. Kasu honetan, kontutan hartu behar da gainera, Quebec-ko gobernuak frackingaren praktika galarazita duela herri galdeketa baten ondorioz bertako herritarrek horrela erabaki zutelako.
-Veolia multinazional frantziarrak, Egiptoko gobernua salatu du, langileen gutxieneko soldata 41€tik 71€tara igotzeagaitik. Salaketa CIADIren aurrean egin du, Banku Mundialaren agindupekoa den tribunal bat da.
TTIPa martxan hasiz gero, honelako salaketak egunerokoan ikusiko ditugu. Estatuen subiranotasunaren eta herri borondate demokratikoaren gainetik enpresa transnazionalen interesak egongo dira babestuak. Kapitalismoaren ofentsiba globalean beste pauso bat gehiago. Orain arte ezagutzen dugun ordenamenamendu juridiko guztia erabat aldatuko duena. Jada ez da egongo EZER enpresa hauen jarduera mugatuko duenik, ez legerik, ez estatu subiranotasunik, ezertxo ere ez. Aberatsen diktadura zentzurik zabalenean. TTIParen aurka antolatu behar gara. Sekulako erasoa da hau, eta gure erantzuna tamainakoa izan beharko du.
Ahaztu baino lehen: PNVk ezetz esan zion aurreko ostiralean (ekainak12) EH Bilduk Eusko Legebiltzarrean, TTIParen inguruko galdeketa egiteko proposamenari. Zergaitik dago PNV TTIParen alde? Zer motatako alderdia da? Multinazionalen eta aberatsen aldeko alderdia? Herritarren aurkako alderdia beraz?
Info gehiago: noalttip.blogspot.com.es, www.attac.es/no-al-ttip eta www.monde-diplomatique.es.
Ekaitz Telleria Aldaregia