Kanpainako azken eguna iritsi den honetan, eskertu eta zoriontzeko momentua heldu zaigu. Eskertu eta zoriondu hilabete guzti hauetan gure ondoan, laguntzen, elkarlanean, babesten aritu zareten guztiei.
Puntuz puntu dinamikarekin hasi ginen, 200 lagundik gora bildu dituena, eta hilabete guzti hauetan egunero hurbildu zaigu jendea laguntza eta babesa eskaintzera.
Arlokako Herri Programa helburu, Hernani hobetzeko asmoarekin elkartzen aritu zaretenak, hautagai zerrenda osatzen buru belarri aritu zaretenak, komunikazio eta propagandan aritu zaretenak, astero astero kanpaina bukaera arte biltzen eta koordinatzen aritu zaretenak, auzotarrak zaretenak gure asmoak zintzoki entzuteagatik, igandean dena ondo atera dadin apoderatu bezela arituko zareten 70 pertsonei... Zuei guztiei, eskerrik asko eta zorionak.
Denon artean, lortu dugu! Herritarrok garaile! Hernani garaile!
Luis Intxauspe, Koro Etxeberria, Mattin Aldaya, Isa Sanchez, Xabier Lertxundi, Esti Aldeiturriaga, Inhar Olano, Garazi Etxarri eta Damian Pedrosa
EH Bilduko hautagai zerrenda osoaren izenean