Hernanik harritzen du!!!

Hernaniko bazterrak, Leokak, Ave Mariak, Santa Barbarak, Urumea bailarak,..., harritzen naute; baserriak, baserritarrak, Kara­beleko ekoguneak, sagastiak, sagardoaren koloreak, usainak eta saboreak harritzen naute; musikoak, kantariak, dantzariak, bertsolariak eta poetak harritzen naute; kirol taldeetan dabiltzanak, eta herriko nahiz auzoetako jai etengabeak harritzen naute; Goiz Eguzkik antolatzen dituen hamaika ekitaldi, ekintza eta ibilaldiek harritzen naute.
Euskara ikasten dutenek, idazten, irakurtzen eta hitz egiten dutenek harritzen naute. Doberak, Kronikak eta Ko­rri­kak harritzen naute; Wu­kro­ko lagunek, AMHERek egiten duen lanak, etorkinak laguntzen dituztenek eta elikadura bankuko bolondresek harritzen naute; Zero Zabo­rreko kideak, AHTren aurkakoak eta ingurumenaren alde lan egiten dutenek harri­tzen naute.
Emakumeen alde, langileen alde, pobreziaren aurka, berdintasunaren alde borrokan dihardutenak, eta gizarte berri eta zuzenaren alde borrokatzen dutenek harritzen naute; presoak, eta urteetan zehar Fran­tzia­ko eta Espai­nia­ko geografia zaba­lean, presoak bisitatzen eta laguntzen ibil­tzen diren senideek eta lagunek harritzen naute; Juan Mari, Atxe, Nekane, Pexi, Luis, Ma­rian, eta beste hainbeste, herriko kastakoak, erosezinek, harri­tzen naute; auzoetan eta herrian, auzolan desberdinetan dabiltzan ehundaka eta ehundaka lagunek harritzen naute.
Aipatutakoak eta hainbeste aipatu gabeak, ezagutzen ditudanak eta hainbeste ezagutzeko ditudanak, egiten diren lanak eta hainbeste egiteko daudenak, harritzen naute. Finean, Her­nanik eta hernaniarrek harri­tzen naute.
Eta horregatik eta guztiarengatik, eta horrek ez nau harri­tzen, Udal eta Foru hauteskundeetan EH Bildu bozkatu behar dut.