Angel Azkue eta Koldo Azpiazu

Lehengo asteartean inauguratu zen Biterin Angel Azkue eta Koldo Azpiazuren pintura eta eskulturen erakusketa.
Kaxko elkarteak, Herna­ni­ko Udalaren babesarekin an­tolatzen duen aurreneko kul­tura ekitaldia da, Herna­ni­ko Kaxkoko bi artistari ome­naldia egiteko, eta au­rrekaririk gabeko arrakasta izan zuen.
Zentzumenentzako lu­­xu­­z­ko oparia izan zen. Ba­tetik, ikusmenerako, Angel Azkueren pintura eta Koldo Azpiazuren eskultura eta boze­toen erakusketagatik.
Baita ere, entzumenerako, Eskola-Gurutzeaga abesbatzaren emanaldiari esker; bertaratutakoei dardarizoa eragin zien.
Eta azkenik, dastamenerako, emandako luntx zoragarriari esker.
Esperientzia honek animatuta, erraza da Hernanin eki­men berriak sortzea, ikus­pegi desberdinetako he­rriko semeen baloreak na­bar­mentzeko; bai kulturaren alorrean, eta baita beste alor batzuetan ere.
Erakusketak irekita ja­rraituko du maiatzaren 20ra arte, arratsaldeko 18:00etatik 21:00etara publikoarentzako orokorrean, eta gainerako orduetan, bereziki, ikasle tal­de gazteentzako.
Zorionak eta gure esker onak eman nahi dizkiegu Kaxkoko taberna eta komer­tzioei, luntxerako produktuak emateagatik, eta baita ere, eskuzabaltasunez lanean eta kolaboratzen aritu diren guztiei, gure bizilagunen balio kulturalak nabarmentzeko egindako aurreneko edizio arrakastatsu honetan, bai erakusketarako obrak uzten, bai erakusketa bera antolatzen, eta baita prestaketa errazten ere.
Mari Karmen Urbialde (Angelen alarguna) eta Ion Azpiazu Goñi (Koldoren anaia)