Apirilaren 29ko Plenoan aurkeztu eta onartu da aldaketa bat, Hernaniko Udalak herriko kaleak garbitzeko FCCrekin duen kontratuan. Aldaketa da langile gehiago kontratatuko direla garai konkretu batzuetan. EAJtik kontrako bozka eman dugu. Herria nola dagoen ikusita, erotuta gaudela ematen du, baina beste batzuk baino sanoago gaudela uste dugu.
Kontrako bozka eman dugu uste dugulako proposamena, momentu puntualetan langile gehiago kontratatzearena, motz gelditzen dela Hernani herriak merezi duen bezain garbi mantentzeko. Proposamen horrekin ez da haunditzen zepilloarekin espaloia garbitzeko egun kopurua, eta ez da hobetzeko planteamendu orokorrik egiten. Uste dugu aukera galdu dela hobetzeko Hernaniren irudia, Atez Atekoa jarri zenetik kaltetua. Argi dago Gobernu Taldeari iruditzen zaiola herria garbi dagoela eta ez duela hobekuntzarik behar.
Bestalde, ez da ezer esan kartelak jartzeko araudia ez betetzearen inguruan. Araudi bat dago hori erregulatzeko eta Bilduk ez du betearazten. Zergatik?
Pleno berean esan zitzaigun Gipuzkoako Foru Aldundiak, Bilduk gobernatua, parte hartze-prozesu bat jarri zuela martxan Hernanin, herri barruko autobus zerbitzuaren inguruan herritarren proposamenak jasotzeko. Bikain, Foru Aldundiko Bilduri interesatzen zaion bakarra ez balitz Hernaniko Bilduk pentsatzen duena. Gainontzeko alderdi politikoak ez dira existitzen haientzat. Nola esaten zaio alderdi politiko bati bere iritzia bakarrik inporta zaionean?
Eusten jarraitu beharko dugu, momenturen batean errealitate hau aldatu daitekeen arte.