Martxoaren 22an, Astigarragan, jai-giroan bildu ginen gazte eta ez hain gazteak. Dena dela, jaiegun horretan ez zen parranda bakarrik egin; gazteok ezaugarritzen gaituen errebelde izaera ere presente izan zen, mota desberdineko aldarrikapenak eginez.
Hilabeteak ziren 22ko Gazte Egun hau antolatzen hasi ginela. Aspaldiko partez gazteok elkartzen hasi ginen Astigarragako festak ez ziren beste ekintza bat antolatzeko, sortzeko; eta belaunaldi berriak ere bertaratu ziren bileretara, ahots berriak, kantu berriak. Gazte guztion gustukoa zen proiektu baten bidez Astigarragako gazteria martxan jarri zen. Pauso bat aurrera eman genuen.
Lehen pausoa emanda, ezin dugu ahaztu bigarrena datorrela, eta ondoren hirugarrena, Machado Sevillarrak idatzi baitzuen behin: Caminante, no hay camino, se hace camino al andar... Iraganeko akats eta esperientzietatik ikasiz, datozen helburuak finkatuz, lanean jarraituz, antolatuz, ekinez, bidea eginez jarraitu behar dugu; betiko haizeak dakarren kantu berria inoiz ixildu ez dadin.
100 ta 100 200, GORA ASTIARRA!
Aitor Jaurrieta Goenaga
Astigarragako Gazte Asanblada