Larunbat honetan, apirilak 12, Karboneraren 8. urteurrena ospatzen jarraituko dugu eta desalojo arriskuan gaudenez, merezi duen moduan agurtzeko ere bilduko gara. Herritar guztiei dei egiten dizuegu larunbatean 12:00etan Karbonera parean, okupazioaren aldeko kalejiran parte hartzera. Ondoren, bertso bazkariaz gozatuko dugu eta beste sorpresen artean Morau abeslaria gurekin izango dugu.
Espazio autogestionatu nahiz feministak behar beharrezkoak ditugu eta horregatik, harrobitik bota dugun pankartak adierazten duenez, ozen oihukatu nahi dugu, Gora okupazioa! Gora borroka feminista! Gora Karbonera!