Uholdeak, Landaren eta Zubipen

Uholdeak, Landaren eta Zubipen
Harrituta irakurri dut Bil­du­ren Gobernu Taldeak Juan Ramon Leiza jaunari emandako erantzuna, Zubipek eta Landarek jasaten dituzten uhol­deen inguruan. Bizila­gun honek konponbideak es­ka­tzen ditu, eta Bilduko or­dez­kariek ez dute baloiak kanpora bota besterik egiten.
Udalaren erantzuna ira­ku­rri ondoren, nere buruari galdetzen diot zein izan ote zen arrazoia Zubipeko futbol ze­laia uholde arriskuko zo­nal­de batean eraikitzeko. Baina ho­rrek ezer konponduko ez duenez, gatozen positibora.
Juan Ramon Leiza jaunari gogorarazi nahi nioke, eta her­naniar guztiei, EAJ-PNVtik bi proposamen egin ditugula errugbi eta futbol zelaiak urak hartzea saihesteko edo gutxi­tzeko. Aurrenekoa, erreka garbitu eta dragatzea, modu ho­netan bere ibilgua haunditu, eta, ondorioz, zailagoa izan da­din erreka iristea errugbi eta futbol zelaietara, Kara­be­le­ko auzora eta Portura. Biga­rre­na, zelaiak tokiz aldatzea, adibidez, harrobira. Zergatik ez da planteatu ez bata eta ez bestea? Bilduk dio ikerketa bat egin duela zelaiak tokiz mu­gi­tze­aren kostuaren inguruan, baina oposizioak ez dauka do­kumentu hori. Hori al da partehartzea?
 Iruditzen zait Bilduren Go­bernu Taldeak aitzakia mo­du­an erabiltzen duela kokapen be­rri­a­ren kostu altuaren ar­gu­mentua, eta ez dela erabili be­har bere interes falta hauteskunde hauetarako jaurti­tzeko arma gisa. Hau da, EAJ-PNVtik ezin dugula beraien pasotismoa kritikatu. Baina Bilduk, hauteskunde urte ho­netan, 1.200.000 euro gastatuko ditu igerileku estaliaren edu­kiera haunditzen. Presa haun­diagoa al zuen igerilekua haun­ditzeak, Landare eta Zu­bi­pe­ko uholdeen gaitza konpontzeak baino? Obratxo hau egin daiteke hauteskunde urte batean?
Partehartze prozesuetan ara­zo batzuk gainazalera ateratzen ez badira, eta hauek tekniko edota politikoek atzematen badituzte, EAJ-PNVtik uste dugu gure eginbeharra de­la horiek konpontzea, kargu pu­blikoak garen aldetik. Lan­da­re eta Zubiperako badaude konponbideak, interesa eduki eta landu besterik ez da egin behar, aurrena Udalak, eta gero, beste erakundeek.
Gero eta gutxiago gelditzen da denon artean Hernaniko kaosa eta desgobernua konpondu ahal izateko.
Andoni  Amonarraiz Gomez EAJko bozeramailea