Harrotua eta-edo itxutua

Harrotua eta-edo itxutua
«Atez Atekoaren gezurra haun­dituz doa», zure artikuloan zera diozu Kronikan: «Atez Atekoaren… azkenaurreko gezurra Bilduko eliteak egiaztatu zuen. Esan zuten Europa ez zela ikertzen ari formazio honek martxan jarri/inposatu duen hondakin bilketa eta tratamendua».
Andoni Amonarraiz beti ari zaigu irakasten, zaborren bilketa gauza bat dela dioenean eta tratamendua bestea. Baina gaur badirudi dena Atez Ate­ko­aren inguruan, gezurren zaku berean sartzea komeni zaiola...  eta bihar zer?
Karmenu Vella komisariak, Bilduren DATUAK Europan ereduzko hartu ditu. Nor ari da gezurretan Atez Atekoa azter­tzen/inbestigatzen ari direla diozunean? Asko jota, tratamenduaren azpiegiturak az­ter­tzen ariko dira, bere garapen mantxoa dela eta.
Orain astiro goazela, goazen gezurrak kontatzera eta “gezurtia” eta bere laguntzaileak agerian uztera.
1) Carlos Ormazabalek: «Guk, argi daukagu emaitzak antzekoak direla 5. edukion­tziaren eta Atez Atekoaren artean»… bere herrian (Zega­man) bakarrik, kontenedore berde-grixaren erabilpena asteko egun bakarrera muga­tzen dute... 2) Carlos Or­ma­zabalek, gezurra dio berriro honakoa ziurtatzean:  «Tolo­san, kontenedoreekin %76 gain­ditu dutela iragarri berri dute»… Tolosan, bide publikotik kontenedore berde-grixa kendua izan zen.
3) «Donostian, urtean biztanleko 79 kilo jasotzera heldu da 5. edukiontziaren bitartez» (Denis Itxaso). Giltzarekin edo txartelarekin uzten dutenen media besterik ez da, ez zentsu osoarena... Eta horrela ehungarrenera arte.
Kontuan hartuz urtean per­tsonako 100 kilo materia orga­ni­ko sortzen dugula, gutxi-go­ra­behera, zentsu totalaren arabera, Atez Ateko gipuzkoar eta na­far herrietan media 84 kilokoa da (5.edukiontziarekin Biz­kaian 4,5 kilo, Gipuzkoan asko jota 15 kilo, nahiz eta EAJ-koei lotsa eman datu hau zabaltzeak).
Emaitza ez da literaturarekin neurtzen, DATUEKIN baizik, eta hor galera edo “derrota tekniko” bat onartu behar du­zue. Arrazoi honek gezurrak kontatzera bultzatzen zaituztete enpate politikoa mantentzeko… komunikabide konplize batzuen laguntzarekin, fabore sektareoak egiteko joera dutenak, lan dibulgatiboak baino.
Iulen Lizaso Aldalur