Baikortasunez

Joan den otsailaren 5ean, Euskal Hiria eta Orain, Po­de­mos – Ahal Dugu-ren bi hautagaien zerrenden aurkezpenean egon nintzen, Herna­ni­ko taldeak Biteri Kultur Etxe­an prestatutakoa. Nahiz eta entzundako hitzaldiak eta proposamenak benetan interesgarriak eta berriak izan, ez zen jende gehiegi gerturatu.
Laster beste Hiritar Asan­blada bat deituko dute, eztabaida eta partaidetzarako gu­ne bat ahalbidetzeko. Ber­tan, esan dutenez, proposamenak, lan-talderako lagun­tzak eta hurrengo hauteskundeetarako hautagaien aurkezpenak egiteko aukera egongo da.
Nahiz eta seguraski gai bakarra egon ez, gai nagusia hauteskundeetan parte har­tzeko gainditu behar diren zailtasunak azaltzea izango da. Auzo mugimendutan izan garen askok dakigunez, gure esfortzuak mugatzeko ahalegin etengabean ari dira boteredunak, baina geure ilusioak bere horretan jarraitzen du.
Hauek dira legeak eska­tzen duenaren xehetasunak: konpultsatutako 500 sinadura, 20 egunetan baino ez jasotakoak. Aldaketa sozialean itxaropenik badezue, eta gaur egungo politikariak gure or­dez­kari ez direla uste baduzu, proiektu honetan lan egiteak pena merezi duela seguru nago.
Ahal Dugu Hernani ostegunero biltzen da Biterin, gai eta betebehar ugari jorratuz (za­ratak, trafikoa, mugikortasuna, presoak, hiri garbiketa, gizarte-baztertzea, pobrezia energetikoa, etxebizitza sozialak edo­ta zaborrak, besteak beste), hauen artean labainenak direnek sortzen duten aburu aniztasuna onartuz eta aprobetxatuz.
Haserretik baikortasunera pasatzeak lan taldea eta hiritartasunez jokatzea eskatzen du, ez bakarrik botoa. Ez dugu inoiz geure aurrean dugun aukera izan, eta horrela uler­tzen dugu batzuk Hernanin. Nahiz eta aurretik ezagutu ez, garrantzitsuenean bat etorri gara: aldaketa beharrezkoa dela, eta horretarako talde lana bultzatu behar dugula.
Aurreneko asanbladan ge­r­ta­tu zen bezala, hontakoan ere itxaropenak pertsona as­koren emozioak gaineztu ditzan espero dut…bai, ahal dugu.