Honi eta beste komunikabide batzuei eskerrak eman nahi dizkiet, Hernaniko Kaxkoko KALEKO ZARATA dela eta, jaso dugun babesagatik. Onartu beharra daukat pasa dela denbora denuntziatzen hasi nintzenetik, komunikabide honetan eta beste batzuetan, nere izenean edota presidente naizen bizilagunen komunitatearenean, Andrekaleko goiko zonaldeko (lehen Kardaberaz) bizilagunek asteburuetan sufritu behar izaten dugun kalbarioa. Batez ere, larunbat gauetan.
Denuntzia horiek errepikatzeak nekagarri egiten gaituela ematen du. Ziur esan dezaket ez dela ezer kaleko zarata eta desordenarekin alderatuta; afalondoren hasten da, eta goizeko laurak edo bostak arte luzatzen da, aurreko larunbatean, aste batean eta hurrengoan, urtero, eta duela urte askotatik. Iskanbila errepikatu eta nekagarri hori da benetan oreka puskatzen duena dibertsioaren eta atsedenaren artean, Txotx faltsuaren gunea deitzen diogun honetan.
Ze ederra izango litzatekeen bisitatzen gaituzten gazteek gu ulertzea eta gure etxean atseden hartu nahi dugunok errespetatzea, guk beraien dibertsiorako desioa errespetatzen dugun moduan. Ez diogu denuntziak jartzeari utziko lo egin nahi dugunon errespetua lortu arte. Argi dago desio dugun dibertsioaren eta atsedenaren arteko oreka ez dugula puskatzen ohean gaudenok.
Animo gazteak, denon artean lortuko dugu eta! Kaxko bizirik, gabean kalean ixilik.