Azaroaren 15ean Hernanitik Baionara bertsoaz gozatzera

Xiberua, Lapurdi eta Baxe Nafarroako bertsolari txapelketaren finala larunbat ho­netan jokatuko da Baionan. Bertan, guraso hernaniarrak dituen Eneritz Zabaleta arituko da kantuan Sustrai Co­lina, Odei Barroso, Maddalen Arzallus, Ramuntxo Christy eta Xumai Muruarekin batera. Txapelketa 18 bertsolarik hasi zuten urriaren 4an, eta iparraldeko hiru probintzietan barna hiru kanporaketa eta bi finalerdi jokatu ondoren, txapelketa azken geltokira iristeko zorian da. Ber­tan, bertsolariekin batera, hernaniarrontzat ere badago lekua.
Aukera paregabea dugu, 44 kilometro egin eta Her­nani inguruan gutxi xamar entzuten ditugun bertsulariak ezagutu eta euskalki eta ber­tso doinu desberdinak en­tzuteko.  Ezagutzen ez du­gu­na maitatzea ezinezkoa de­lako, hurbil gaitezen Baio­nara silabaz Xilaba gozatzera arratsaldeko 5etatik aurrera, Lauga gelan.