Biji Berxwedana Kurdistan!

Azken egun hauetan Estatu Isl­a­mikoa armadaren erasoa gogortu egin da Mende­baldeko Kurdista­nen, Sirian kokatuta dagoen Koba­neko hirian.
Sirian gerra hasi zenetik, kurduak beraien autogobernua eta lurraren auto-de­fentsa gauzatzen hasi ziren.
Kurduen autogobernuaren oinarriak demokrazia par­te-har­tzailea, justizia so­zialaren aldeko borroka, ema­kumeen eskubideak, et­nia eta erlijio guztien eskubideak bermatzen dituzte.
Kurduek praktikan ekialde hurbilean antolatzeko eta bizitzeko beste eredu bat  posible dela erakusten dute.
Eredu hori da Turkia, AEB, EB, Israel eta Arabiar penintsulako es­tatuek onartu ezin dutena.
Beraiek izan zirelako Estatu Islamikoa sortu eta armatu zutenak, ekialde hur­bilean  dituzten interes eko­nomiko eta geoestrategikoak defendatzeko.
Horregatik estatu hauen hipokresia salatzen dugu, beraien interesen  eta ez herrien defen­tsan daudelako,  gatazka hau sortutako milaka errefusatuek la­gun­tzarik jaso ez dutelako. Tur­kiar gobernuaren jarrera, non eta mugak itxi eta militarizatuz, Kobaneko hiriari laguntza pasa­tzea galarazten duelarik.
Jarrera honek kurduengan ha­serrea eragin du eta mobilizazioetan hogeita ha­ma­rretik gora hildako egon dira turkiar armadaren erre­­presioak eraginda eta Sem­dinli Hernanirekin senidetua da­go­en herria militarki okupatu dute.
Guzti honengatik, Herna­niko EH Bilduko udal gobernuak,  agurra eta elkartasuna adierazi nahi du  herri kur­duaren autogobernu eta askatasunaren aldeko borrokan diharduen herri kurduari.