Euskal zinemaz betea dator Zinemaldia

Euskal zinemak indarra hartu du Donostiako Zinemaldian. Zinemira sailaz gain, beste lau pelikula euskaldun egongo dira 62 edizio honetako sail ezberdi­ne­­tan. Aipatzekoa da Lo­reak filma, zi­nemaldiaren historian Sail Ofi­zia­lean egon den bi­ga­rren eus­karazko fil­ma izango baita. 1990garren urtean egon zen aurrenekoa, An­txon Ezei­za­ren Ke arteko egunak filma. Euskal zi­nemaz gain, atzerritik ekarritako pelikula interesgarri asko izango da aurten. Denzel Washington eta Benicio del Toro aktoreak izango dira aurtengo protagonistak, Do­nos­tia Saria jasoko baitute.

Loreak – Irailak 23, 24  25
Jon Garaño eta Jose Mari Goe­nagaren azken lana da. 80 egu­nean filmak atzerrian izan­dako arrakastaren ostean, is­torio in­timista batekin datoz Zinemaldira.
Hiru emakumeren istorioa kontatzen da; hiruren bi­zi­moduak goitik behera al­da­tu­ko dira, lore-sorta xume ba­tzuen era­ginez. Lore horiek ahaz­tutzat zituzten senti­men­duak aza­leratuko dituzte. Filmak Urrez­ko Maskorra ira­bazteko aukera asko ditu.

Lasa eta Zabala – Irailak 25, 26, 27
Pablo Malo zuzendari do­nos­tiarrak Joxean Lasa eta Joxi Zabalari gertatutakoa azaltzea du helburu Lasa eta Zabala pelikulan. Duela 30 urte, ETA­ko bi kide hauek tor­tu­ra­tuak, erailak eta kare bizian lur­peratuak izan ziren. Epai­ke­tetan oinarritu da zinegile do­nostiarra, pelikula egitera­koan. Malok adierazi du ez due­la onen eta txarren pe­li­ku­la bat egin. Manik­eis­moetatik urrun­du da, eta ger­tatutakoa azal­du du. Sail Ofi­zialean le­hia­ketatik kanpo egongo da filma.

Une nouvelle amie – Irailak 20, 22
2012 urtean François Ozon zuzendari frantsesak Urrezko Maskorra irabazi zuen Dans la maison filmarekin. Aurten ere, maskorraren lehian egon­go da film honekin. Ego­ki­tza­pen libre bat da, Ruth Rendell idazalearen The New Girl­friend istorioarena. Laguna hil os­tean, Claire depresio batean sartuko da. Lagunaren sena­rra­rekin hitz egiten hasiko da. Eta handik aurrera, berezia izan­go da bien arteko ha­rremana.

Negociador – Irailak 22, 23, 24
Borja Cobeagaren azken filma Zabaltegi sailean egongo da ikusgai. Manu Arangurenek negoziazio lanak egingo ditu ETArekin, Espainiako Gober­nuaren bozeramaile gisa ari­tzen den euskal politikaria da. Laster ikusiko da, ez dela ekintza serioa eta ondo pen­tsatua; alderantziz. Kasualita­teek, akatsek edo gaizki-uler­tuek baldintzatuko dute bi aldeen arteko elkarrizketa. Umorez betetako filma da, eta  ETAren tabura gerturatzea izango da zuzendari donos­tiarraren nahia.

Mommy – Irailak 19, 20
25 urteko zuzendari gaztea da Xavier Dolan ka­na­dia­rra. 2009 urtean zuzendu zuen aurreneko filma, 19 urte zi­tuela. Donostian, bere bos­ga­rren pelikula ikusteko aukera izango da, aurreneko aldiz ingelesez egindakoa. Arazoak dituen 15 urteko seme batez arduratu be­har du alar­gundu berri den amak. Arre­ta falta eta hiperaktibitate arazoak ditu gazteak. Ama-se­meak saiatuko dira ondo kon­pon­tzen eta elkarbizitza ahalik eta ondoen eramaten. Kyla bizilagun berriaren eto­rrerak, eragina izango du bi­zitzan. Fil­mak  Epaimahai­a­ren Sari Bere­zia  lortu du Can­ne­seko zinema-jaialdian; Donostian Perlak sailean egongo da ikusgai.