Eskoziar herriak jadanik irabazi du

Egun hauetan galdetu izan didate ea Eskozian zer gertatuko den. Nire erantzuna oso  xumea da.
Eskozian gertatuko dena oso gauza xinple eta garran­tzitsua da:  eskoziar herritarrek zer izan nahi duten erabakiko dute. Eskoziarrene esku dago Britania Han­dian jarraitzea edo independienteak izatea. Eta hortik aurrera, norberaren idei eta sinpatia politikoen gainetik, txalotu eta onartu egingo da eskoziar herritarren erabakia. 
Apasionantea eta miresgarria da guretzat Eskozia bizitzen ari den prozesua. Alde batetik, hor dugu independentziaren inguruan ez­ta­baida sutsu, sakona eta erabat demokratikoa. Hila­bete hauetan independen­tzia­ren aldeko eta aurkakoek bere argudioak azaldu eta defendatu dituzte, modu indartsu eta bizian, baina aldi berean naturaltasun eta errepetu osoarekin.
Britaniar gobernuaren ja­rrera ere azpimarratzeko mo­­dukoa iruditzen zait. Ja­kina, britaniar gobernuak independentziaren aurka  kanpaina sutsua egin du, bai­na beti ere, edozein emaitza onartuz; eta ez du errepresioa edo armadaren par­te hartzea aipatu ere egin. Zer nahi duzue esatea?  Es­painiar gobernuaren menpe bizi garenontzat horrelako gauzak harrigarriak dira.
Beste aldetik Eskoziako prozesuak hainbat mitoen erorketa ekarri du: Europako mugak aldatu ezinak direla, autodeterminazio eskubidea ez dela existitzen…eta antzekoak.
Ez da gutxi eskoziar he­rriak eman diguna. Ez da gutxi ere Katalunia erakusten ari zaiguna. Ez da makala Euskal Herrian zabaltzen ari den mugimendua. Garai interesgarriak datoz.