Astero bezela agertu zaigu gure kaleetan zabor poltsa handi eta beltza.
Hernani garbi eta txukun baten alde idazten dut, atez-ate sistemaren eztabaidatik at.
Poltsa hau ateratzearen ardura zuzena duen pertsona edo pertsonen axolagabekeria nabarmena dela iruditzen zait, eta bere herrikideekiko batere errespetu gabekoa. Onartzen dut, atez-ateko arauak betetzea batzuentzat zaila izatea. Ez dakit oraingo honetan horrela den. Hala bada, ulertzekoa izango litzateke, baina hobetu liteke egoera. Denok saiatu beharko genuke ahalik eta ondoen arau horiek betetzen, nahiz eta bakoitzaren gustokoak ez izan.
Nire ustez, udaletxeak ere zer edo zer gehiago egin dezake horrelako egoeren aurrean. Ia egunero agertzen dira gaizki ateratako poltsak gure kaleetan eta hortxe geratzen dira bizpairu egunetan, gutxienez. Ez dut uste isunak jartzea denik konponbidea, biztanleak zaborren arazoari buruz kontzentziatzea eta zaborra ateratzeko erreztasunak ematea baizik.
Denon artean, herri garbiago eta txukunagoa lortu dezakegu. Animo!