Zaborra Agustinetako sarreran eta Orkolagan

Bada neska-mutil koadrila bat, arratsalde pasa Zin­koe­nean elkartzen dena; zehazki, Agustinetako sarreran. 20 lagun inguru dira, eta pipak jaten pasatzen dituzte or­duak. Kontua da, pipa azalak eta zorroak lurrera botatzen dituztela, beti. Agustinetara sartu-irtenean ibiltzen garen herritarrentzat arazo bi­hurtzen ari da jokabide hori. Izan ere, pipa azal eta zorroak barrura sartzen dira, haizeak eramanda, edota guk geuk, oin azpian hartuta. Eta ho­rren aurrean zer egin? Erra­tza hartu eta guk garbitu be­har izaten dugu bai Agus­tin­etako sarrera, eta baita kanpoaldean, Zin­koe­nean ber­tan geratzen den zikinkeria.
Eta zabor kontuekin segita, Orkolagan dugun arazoa ere aipatu nahi dut. Bada norbait atez atekoa ondo betetzen ez duena. Hon­dakinez betetako poltsak agertzen dira ia egunero, bereizketarik egin gabe: edalontziak, oilasko hezurrak... auzoko katuentzako pagotxa. 
Udaltzaingoari edo dago­ki­o­nari eskatu nahi diot, me­sedez, zaintzeko, eta ha­lako egoerei soluzioa bilatzeko.