Demagogia, nolabaiteko boterea lortzeko edota dagoena ez galtzeko erabilitako estrategia bat da. Jendartearen aurreiritziak, emozioak, beldurrak eta itxaropenaz baliatzea horrela gure alde pertsona gehiago edukiz, gehienetan erretorika eta propagandaren bidez erabiltzen dena.
Eta hori da hain zuzen, Hernaniko Txistulari Bandak zein Musika Eskolako kide batzuk, ekainak 26 eta 27ko axeridantzan zehar erakutsi zuten jarrera. Demagogia. Zer esanik ez Kronikan uztailaren 2an argitaratutako idatziaz. Lotsagarria.
Mila esker hain argigarria izateagatik. Ulertzen dugu bapatean baztertuak sentitzea ez dela inoren gustoko platera izaten, are gehiago, modu kaxkarrean ematen baldin bada. Amorrua eta kasu batzuetan, fustrazioa ere sortu dezakeela, baina egiari zor, soineko txartel batean sartzen ezbada ere, den dena kontatu beharko zenukete.
Ekainak 24ko gazte axeridantzako antolatzaileak, hasiera hasieratik beti kontatu izan dugu Hernaniko txistulariekin, nola bestela ba! Eta ze gertatu da orain? Ba... egun berdinetan, bi ordu beranduago, Txistulari Bandaren kontzertua dagoela Gudarien Plazan, zuentzat urte osoko emanaldi kuttunetakoa dena. Beraz, ezin zenuten etorri. Ados. Honeraino dena ulergarria, baina ulergaitza egiten zaiguna zera da, gogo handirik gabeko jardunan ia-ia soluzio bakarra bezala aurkeztea, aurkezten zaiguna... Gure ekintzaren (axeridantza gaztearen) eguna eta orduaren aldaketa gauzatzea. Hau da, gure ekintza, 24ko axeridantza gaztea, Txistulari Bandaren egutegira moldatzea.
Inkisizioa San Joan bezperako Alkelarrean bukatzen da.
Gauz asko esan ditzazkegu, baina ez ditugu bazterrak gehiago nahastu nahi. Konpondu nahi dugu afera hau, baino printzipio batzuen baitan:
1.- Eskuduntza argipena. Jai Batzordearen erabakia izan da ekintza berri honen eguna eta ordua jartzea, eta ez umeen gurasoena soilik. Edozein aldaketa proposamena egiteko, berau izan beharko luke erabakitze markoa.
2.- Planteatu behar ditugun ekintza berriak, ez dira inoiz planteatuko eragile batzuen agenda disponibilitatearen baitan, herritarren beharretara egokituak direnak baizik.
3.- Gizartea bera ez bada, ondare kulturak ez du jabetza pribaturik.
Duintasunaren izenean, onartzen ez baduzue puntu hauen filosofia, datorren Jai Batzordean zuen dimisio zuzena eskatu degula jakinarazten dizuegu.
Zerbait sinatu aurretik, bi bertsioak jakitea komeni izaten da.