Demagogia, justifikatu ezin dena justifikatzeko

2003-2007 legealdian, EAJ izan zen arduraduna, Her­na­ni­ko Udaleko Zerbitzu Pu­bli­koetan, Obra Publikoetan eta Gi­zarte Zerbitzuetan. Lau ur­te horietan, herriko zenbait au­zo errehabilitatu genituen (Eli­zatxo 1 eta 2, Karabel, Por­tu, Zikuñaga, La Cumbre eta Santa Barbara). Eta eginda utzi genituen beste bi errehabilitatzeko proiektuak (An­tziola eta Etxe­berri). Igerileku irekiak egin genituen, Atse­gindegiko plaza es­ta­lia eraiki, herritarren el­kar­teekin pro­zesu kontsultiboa ezarri genuen -urterokoa eta irekia-, zaharren egoitza haunditzeko proiektua eginda utzi genuen, gizarte la­gun­­­tzak haunditu, jantoki so­­ziala jarri, eta beste hainbat ekimen bultzatu genitu­en.
Aurrekoa idazten dut,  2003 eta 2007 arteko udal ku­deaketa kritikatzen den ida­tzi batzuk azaldu direlako, eta ez dudalako arrazoia uler­tzen. Egia esan, igerilekuak eraikitzean, arazo asko sortu ziren, espero ez genituenak, eta obren kostua haun­­ditu egin zen. Hori dena behar bezala azaldu zen, eta duela zortzi urtetik, hernani­a­rrek instalazio erakargarri ba­tzuez gozatzen dute. Bide batez, esan Ezker Aber­tza­lea­ren legealdietan ez de­la be­har bezainbeste inbertitu, ta­ber­na-jatetxeak irabazi­ak emateko.
Oraindik ere instalazioak kri­tikatzen dituztenek, ikus de­­zatela zenbat bisita dituzten, eta konparatu bere defizita igerileku estaliak, kultur etxeak edo beste edozein zerbitzu publikok duenarekin.
Lau urtetan egin genuen guztiarekin, aurpegiratu die­za­guketen bakarra hori bada, igerilekuko obretan desbideraketa izan zela, ba bai, onar­tzen dugu.
Azkeneko zazpi urteotan, ANV eta Bilduren gobernuekin, zer egin da? Zein enpresarekin? Denak daude gu be­zain lasai? Garbi dago, ezer egi­ten ez duenari, gauzak ezin zaizkiola gaizki atera. Bai­na ondo, ezta ere.