Gipuzkoan 150.000 herritar bizi gara ‘Zero Zabor’

2009ko martxoaren 16an, orain dela bost urte justu, hondakinak Atez Ate biltzen hasita Usurbil bihurtu zen lehenbiziko Zero Zabor he­rria. Ondoren etorri ginen gu, Hernani, eta Oiar­tzun, eta Antzuola, eta Lezo, eta Zaldibia, eta Astigarraga, eta Ber­gara, eta Pasaia, eta… Bost urte geroago, laster Zestoan sistema berria jarritakoan, 150.000 gipuzkoar baino gehiago biziko gara Zero Zabor herrietan, %22.
2009an Zubietako errauste planta eraikitzeko lurrak harrotzen ari ziren. 2014an errauskailu pozoitsu haren asmoa lurperatuta dago, Gi­puzkoako Foru Aldundian agintzen dauden pertsonen ausardiagatik, sistema alternatiboa martxan jarri duten udal eta mankomunitateetako agintariei esker… eta ba­tez ere 150.000 herritarrek erabaki dugulako gauzak ho­beto egitea. Maialen Lujan­biok esan zuen moduan, demostratzen ari gara “Esku­ak zenbat dezaken”.
Hernanin asko aurreratu dugu. Gaikako bilketan iaz %78an ibili gara. Pertsonako eta urteko azken errefusetan 62na kilo laga ditugu (konparatzeko, Donostian 2012an ba­koitzak 299 kilo, Lasarten 226…). Baina oraindik badaukagu zertan hobetua. Bai norberak etxean sortzen du­gun errefus birziklagaitz hori mu­rriztuz eta, batez ere, orain­dik zaborrak nahasturik uzten dituzten hernaniar gutxi horiek konbentzituz beren jokabidea aldatu dezaten.
Ez da justiziazkoa ondo egin daitekeena oker egitea. Kutsa­tzea ez da libre: kutsadura hori beti ondoko batek sufritu behar baitu. Zailena egin dugu eta ondorengo hilabete eta urteetan azken errefusa –benetako zaborra- mu­rrizten eta gutxiago kutsatzen ahalegindu behar dugu. Her­naniarrok ondo ari gara!