«Neri lanpostua kendu zidaten»

Hernaniko Alkateak, Idurre Conde zinegotziaren dimisioa zela-eta egin zen agerraldian, zera esan zuen, «udal gestioan hartu diren erabaki guztiak herriari on egiteko hartu ditugu, ZIN­TZOTASUNEZ, INORI KALTERIK EGIN GABE».
Neri, Ana Maríni, lanpostua kendu zidaten. Urteetan ari nintzen lanpostu horretan eta enpresak gustora zeu­­den. Her­naniko Udal Eraikinak gar­bitzeko zerbitzuan ari nin­tzen (orain Villar S.A. enpresari az­pikontratatuta). Lan­pos­tua ken­du zidaten Her­na­niko Uda­leko LABek hala es­katuta eta Udal Zerbitzuetako Zine­go­tzi ordezkari Asier San Emete­rio­ren on iritziarekin, Malores Etxeberriak Hernani­ko Kroni­kan esan zuen bezala.
Demanda sartu nuen neu­­re eskubideak defendatzeko, eta horren ondorioz Uda­­la­ren listatik borratu egin nin­duten edozein zerbi­tzugatik kontratatzeko.
Bost hilabete eta gero, 4 zk. duen Gizarte Epaitegiak esan zuen ni nire postutik kentzea inprozedentea (legez kanpokoa) zela, nire kontratua fijo diskontinuoa zelako. Horren aurrean, hauek izan ziren erreakzioak: 
a) Lehenengo, inork ez zuen pentsatu sententzia hori errekurritzerik, oso garbia ze­goelako INPROZEDENTEA zela, neri postu bat kendu zidatelako beste bati emateko.
b) Udaleko LABek esan zuen «zintzotasunez eta logikaz» jokatu zuela. Besteak kaltetuz bere afiliatuen mesedetan jokatzea bada logikoa, afiliatu gabe daudenei kalte eginez, BILDU udalean dagoela aprobetxatuz, ba bale logikoa izango da, baina zintzoa ez, hori bai ezetz.
Gainera, sententzia atera eta gero, enpresak ni kaleratzea erabaki eta 1.800 euroko indemnizazioa eman zizkidanean, neure postuan jartzea garestiago aterako zitzaiolako, LABi ahaztu egin zitzaion Sindikatu bat zela, Erreforma Labora­laren kontra dagoela, eta IXILDU egin zen, eta BESTE ALDE BATERA begiratu.
c) Alkateak, Luis In­txaus­pek, sententzia eman eta 9 hilabete pasata, nere bi gutun jasoak zituenean, berak parte hartzeko eskatuz, eta berarekin biltzeko elkarrizketa bat eskatuak zituenean, hor non bidaltzen didan erantzuna, («aurpegi ederrarekin»), esanez, «gai hau behar adina tratatu eta landu» dela, eta ez duela beharrezkoa ikusten berriz ere biltzea. Eta nere galdera hau da: «Zeinekin tratatu eta landu du gaia? Nerekin, ez. Ez Alkateak, ez zinegotziak, eta ez LABeko arduradunek. 
Labur esanda: Hernanin, LABekoa bazara, oraingo udalak defendatu egingo zaitu, eta lagundu egingo dizu, horretarako lan erreforma aplikatu behar badu ere, eta herritarren eskubideen gainetik pasatu.