Oraintxe bai ez dudala ezer ulertzen

Gaurko plenoan, 2014-2-25, egiaz lekuz kanpo geratu naiz zenbait hernaniarren eta gobernu taldearen ja­rre­ra ikusita, zinegotzi ba­tek dimititu ostean, ez hiru urtez legez kanpokoa den zerbait egin delako, baizik eta bere senarraren enpresa kontratatzen jarraitu ahal izateko.  
Nola liteke gaiztoetako bat ni izatea, legez kanpokoa den zerbait salatzeagatik eta gehiago, orain dela bi urte baino gehiago neuk jakinarazi nionean zinegotzi horri berari ziurtatu zezala ea legezkoa zen bere se­na­rraren enpresa kontrata­tzea? Nola liteke guri aurpegiratzea "zinegotziari eta be­re familiari egin zaion mina", orain dela bi urte bai­no gehiago zorigaitz hau ekidin nahi izan nuenean? Gobernu talde honek eta plenora azaldu diren herritarrek uste dute isildu egin behar genuela? Uste dut pertsona bakoitzak bere ar­durak asumitu behar dituela, eta nik 2011n egin nuen pertsona normal guztiek egingo zuketena, arazo bat ekiditen saiatu. Egun horretatik aurrera ardura ez da nirea. Errazena da aurrean duzunari errua botatzea, eta gehiago, zuri oihuka ari direnean, baina nik kon­tzien­tzia lasai daukat. Zine­gotzi gisara eta herritar gisara eskatzen dut politiko guztiek bete dezatela legea eta egiten ez badute, alde egin dezatela. Ho­rre­gatik guztia­ren­­gatik eta le­gea ez ezagu­tzeak ez bete­tzeko es­ku­bi­de­rik ematen ez duelako, EAJ-PNVk eskatzen dugu dimititu dezatela zinegotzien ordezkariak, Zer­bitzu Publi­koe­tako batzordeko lehendakariak eta Ongintza Patro­natuko le­hen­­­dakariak, eu­rak baitira az­ken bi urte eta erdian egin diren legez kanpoko kon­tra­tazioen ardura daukatenak.