Urumeako Kronikak 1.000 urte

Lehenengo eta behin zorionak Urumeako Kronika he­dabide berriari. Zorionak, besteak beste, sorrerako helburuei eutsiz berezko eremu historikoaren magalera bideratuko duelako ekimen be­rria. Urumeako Kronikak orain 1.000 urteko magal historiko berean burutuko du bere jarduna.
Aitzinean, Urumea ibai­ak sortzen zituen erriberei eta inguruko mendi-bailarei dei­tzen zitzaion Herna­ni. Eza­gutzen den idatzizko lehen aipamen fidagarria X. mendekoa da. 1014an, Iru­ñeko errege baskoia zen Antso III.a Na­gusiaren do­haintza batean Hernani­ko lurrak itsas bazterreraino direla aipatzen da, San Se­bastiani eskainitako monas­­terio bateko lurretaraino hain zuzen ere: in finibus Ernani ad litus maris Monasterium unum, quod dicitur Sancti Sebastian…
Alegia, “Hernaniko mu­getan, itsasoaren ondoan, San Sebastian esaten zaion Mo­nas­terioa eta bere lurraldea” aipatzen da Leireko monasterio beneditar, or­du­an euskaldunari, egiten zaion lurren gaineko hamarren zergen onuraduna izateko “lurrekin, sagastiekin, itsas arrantza tokiekin, mendi, lepo, bailara, zelai, zerga, larre, hamarren abantaila, eskaintza eta edozein ondare eta edozein moduan esandako monasterioari, inguruan, itsas barruan zein kanpoan dagozkionak, gure arbasoak eta guk geuk gaur egun arte ditugun bezala”.
Izan dezala arrakasta eta bizitza luzea proiektu berriak.