Hiru gai batera

Eguneroko ibiltariek, Insti­tu­tuko obrak direla eta, Santa Bar­bara bideko lakura iristeko errepidea itxita aurkitu dute Alberrotik gora. Institu­tu­ko sarrera nagusitik dijoan, eta niretzako ohikoa den beste bide bat saihestu behar izan dute.
Urteak dira Udalari, behin eta berriz, bide hau txukun­tzeko lu­za­tu dizkiodan erreklamazioak. Baina, gaur arte, berdin jarrai­tzen dut eran­tzunik jaso gabe zain eta zain. «Oso deserosoa, arrisku­tsua eta loitsua da euriaren eraginez». Horrela mintzo zen egun hauetan topatu dudan jendea.
Honela, berriz eskertuko nuke alkate jaunak behingoz  ‘leiho’ hau erabiliko balu erantzuteko, edo adierazpenen bat egiteko. Eta bidea dijoan lur zati hori pribatua baldin bada negoziatu jabearekin. Eta publikoa baldin bada, nahikoa da!
Txotx garaian sortzen den zikinkeriagaitik ere, ongi le­goke adierazpen bat edo neurriren bat hartzea. Batik bat umeak elkartzen diren eremuetan, Tilosetan bezala. Larritasunak jota frontoi atzeko ate ondoan dagoen pareta pixez josita uzten dute eta sortzen den pixa arrastoa, tuneletik Plazaraino iristen da. 
Berri gehiago jakiteko asmoz, orain egun gutxi Gi­ronako udaletxera deitu nu­en, jakinik otsailak 6, 7 eta 8an ‘Foro Inter­nacional de Gestión de Residuos Muni­ci­pales Waste in Progress Fira de Girona’ antolatu zela.
Informazioa Hernaniko alkateari eskatzeko esan zidaten, bertan egon baitzen talde batekin. Prentsan ez dut inolako informaziorik aurkitu horren in­guruan, eta  hirugarrengoz eskatuko nio­ke alkate jaunari adierazpen bat egin dezan bertan esan zenaren inguruan. Gaur­koz, hirugarrengo eska­era honekin amaitzen dut.
Iulen Lizaso Aldalur