Jaione Aristregi Cao
OH!ren bozeramailea
Andoni Amonarraizek, EAJko zinegotzi bozeramailea denak, harrituta dagoela dio, honek udalerriko aurrekontuetan egindako zuzenketek Orain Hernaniren errefusa izan dutelako. Udaletxean daramagun urte eta erdi honetan, orientatu egin digula dio, eta gure eskergabetasunarekin deseroso dagoela. Hara!
Zergatik errefusatu ditugu gainontzeko oposizioaren proposamenak, nahiz eta batzuetan jakinmina izan? Lehentasunezkoa aukeratu behar delako, eta zuzenketa bati baiezkoa ematen zaionean, ezezkoa ematen zaio zuzenean aurrekontua duten partidei, ez baitago guztiarentzako funtsik. EAJk eta PSE-EEk, bere aurrekontu kalkulu gehienak zabor biltzean oinarritzen dituzte, zuzenean erraustegira eramateko asmoarekin. Gure errefusa erakusten dugu sistema kaltegarri eta zaharkitu honekiko, eta horregatik, gure errefusa erakusten diegu erraustegiari diru-laguntzak emango dizkioten neurriei.
Ez, Andoni. Gure komunikatuan ez ditugu zabor biltze eta gestioa nahasten. Termino bera erabiltzen dugu besterik gabe, zuek, bai PNVk eta baita PSOEk ere, zuen dokumentuaren zuzenketan aurkeztu zenuten bezala. Baina nahiz eta zabor biltzea nabarmendu, zuek defendatzen duzuen gestio txarra da gure errefusa izatera eraman gaituena, edozein izanda ere proposatzen duen talde politikoa.
Zure gutun zorrotzean, boxeolariek bezala erasotzen gaituzu, alde batetik eta bestetik. Zuen proposamenak ez genituela irakurri diozu eta aldi berean interesgarriak iruditzen zaizkigula. Bi gauzak batera ezin dira izan, Andoni. Ez bota baloiak kanpora. Badakizu zure hamahiru urte eta erdiko esperientzia udalerrian ez direla nahikoak izan, zuek aurkeztutako proposamenak garaiz negoziatuak ahal izateko, eta horregatik uste duzu ez direla irakurriak izan. Hau ez da ke hesien bidez estaltzen. Nahikoa izango dugu inposatu nahi diguzun erraustegi horrek askatuko duen kearekin.