Jende gaztea gara, haur txikien eta ikasten ari diren gazteen gurasoak, lanik gabeak, pentsiodunak, bananduak eta dibortziatuak… Arrazoi desberdinak medio, arazo ekonomikoak dituen jendea.
Daukagun egoera ekonomiko prekarioa medio, beharra daukagu hernaniar guztioi gure ahotsa helarazteko.
LANBIDEk eman dizkigun laguntzak itzultzea eskatzen digu. Baina zer zen, laguntza ala banku batek emandako mailegua? Non daude ETXEBIDEk dauzkan alokairu sozialeko etxeak? Guk behar ditugu.
Soldata miserableak, alokairu altuak, baliabiderik gabeko familiak, familia osoa mantentzen duten aiton-amona pentsiodunak, langabetuen zerrendetan daudenen kopuru altuegia, lan merkatu duin batean sartzeko gero eta zailtasun handiagoak dauzkaten epe luzeko gero eta langabetu gehiago, inolako ondoriorik eduki gabe elikagaien pentsioak ordaintzen ez dituzten aitak, bankuek dirua lapurtzen digute gehiegizko klausulekin eta ez digute dirua itzultzen…
Ireki ditzagun begiak behingoz. Engainatzen ari zaizkigu. Elkartzen bagara, injustizia hauek geldiarazi ahal izango ditugu.
Borrokarako plataforma bat sortu nahi dugu prekarietatearen kontra, egoera hauek ito egiten gaituzte, ekonomikoki egoera negargarriak gertatzen dira eta ezin dugu onartu. Injustizia gehiagorik ez.
Plataforma hau sortzeko gonbidapena egiten dizuegu, elkarturik, egoera hauei aurre egin ahal izateko. Gurekin harremanetan jarri zaitezkete helbide elektroniko honen bitartez: afectadoslanbide2014@gmail.com.
Animatu zaitez eta animatu zure ingurukoak ere, momentu honetan egoera ekonomiko injustua badaukate, gure erakunde, Lanbide, Etxebide, banku eta abarren gehiegizko jarrera arduragabearen ondorioz.
Malika Benyazid Mohamed