Ion Azpiazu Goñi, Andrekale 2ko bizilagunen komunitateko presidentea
Kaixo, Manu. Ez dakit ezagutzen zaitudan, baina gustatuko litzaidake ezagutu eta eskerrak ematea, aurrez aurre, argitaratu zenuen artikuluarengatik, Kaleko zalaparta dela eta; zuri, Joxe Mari Gonzalezi, eta beste 19 sinatzaileei. Jende asko da, eta geroz eta gehiago, zuek bezala, nekatuta dagoena, eta gure sagardotegietako txotx kulturaren alde bai, baina Kaxkoko mozkorkeria kulturaren eta horrek dakarren guztiaren kontra agertzen dena. Posturak oso garbi daude.
Berriaki behin eta berriz eskatu zaio, bere bazkideen jarrera zaintzea. Kaxko elkarteko presidenteari, urteak dira eskatzen zaiola komisio bat sortzea, asteburuetako desordena eta bere ondorioak lantzeko. Epe luzerako neurriak ondo daude, baina... Arazo batzuek berehalako konponbideak eskatzen dituzte.
Zinegotziei, eskatzen diegu zezena adarretatik heltzea, eta zainketa eta kontrol funtzioei heltzea berriro, eskuetatik ihes egin dien egoera batekin. Udaltzaingoari, esango diogu ulertzen dugula nahikoa baliabiderik ez izatea, asteburu gauetan deitzen diegunean. Eta alkateari, udaltzainen presentzia hutsa Andrekaleko goiko aldean, aglomerazio egunetan, ez dela probokazio bat.
Gogorarazi nahi diogu, baita ere, ulertzen dugula bere funtzioa dela ongizate komuna bilatzea, eta ez soilik gutxi batzuen onura ekonomikoa, inguruko etxebizitzen eta komertzioen balioaren kaltetan, non jendeak ez duen bizi nahi, eta gutxietsi egiten diren.
Eta modu honetan eman genion hasiera, urtarrilaren 14an, txotxaren kulturari gure sagardotegietan, eta mozkorkeriaren kulturari Kaxkoan. Eskerrik asko Manu, eskerrik asko Joxe Mari. Eta zuek bezala, eskuetatik aspaldi alde egin zigun egoera hau sa-latzen duten guztiei.