Andoni Amonarraiz Gómez
Hernaniko EAJ-PNVren bozeramailea
Duela bi aste, margotu zuten Hernaniko alderdi sozialistaren egoitza, eta baita probintziako batzoki batzuk ere; eta itxaroten egon gara, ikusteko ea nola posizionatzen ziren PSE eta Bildu. Bestalde, EAJ-PNVko presidente bezala, gure babes osoa eskaini diot PSEri, eta gure gaitzespena, alderdi politiko bat beldurtzeko saiakera honi, pasatako garai batzuetako jokabide honi. Badakigu, EAJ-PNVren gertuko pertsona batzuek ere, bere babesa eskaini diotela PSEri.
Gaur publiko egin nahi dugu, EAJ-PNVren postura horrelako gertaeren aurrean, dela gure gaitzespen bortitzena. Gure alderdia lanean ari da, hernaniar guztion arteko elkarbizitzaren alde, eta horrek, kasu askotan, suposatzen digu gure planteamenduetan amore eman eta laguntzea, azken helburu hori lortzeko.
Ez dugu aipatu gabe utzi nahi, poz haundia sortu digula gure alderdian, Bilduk sinatu duen gutun publikoa. Erakutsi du irmoa dela bere laguntza, elkarbizitzaren alde. Eta adierazi nahi dugu, baita ere, horrelako gertaeren aurrean PSEk daukan planteamenduarekin, eta Orain Hernaniren posturarekin, ziurtatu dezakegula, lan ildo honetan beti egongo dela EAJ-PNV.
Desberdinen arteko elkarbizitza da, gure herriak izan behar duen oinarria, aurrera egiteko; eta gainera, guztion eskubidea da. Hernaniar guztiak animatu nahi ditugu, zentzu horretan pausoak ematera, pixkanaka kezka eta beldurrak bere tokia uzteko, konfiantzari. Bide horretan, EAJ-PNVren laguntza izango duzue.