Otsaileko gomendioak

Otsaila telesailetan hilabete aktiboa izan da hainbat estreinu direla medio: Legion (FX ka­tea, 1 Denboraldia), Girls (HBO, 6 D), Billions (Showtime, 2 D), The good fight (CBS, 1 D), Bates motel (A&E, 5 D)… Baina, agian, es­pek­tatiba handienak sortu dituena, HBO katearen BIG LITTLE LIES telesail laburra dugu.

BLL telesailari buruz hitz egitean, bere fitxa teknikoak aipa­tzea ezinbestekoa da. Liane Mo­riar­tyk idatzitako izen be­re­ko li­bu­ruaren adaptazio ho­nen pro­duk­tore exekutibo eta sustatzai­le­ak, Reese Withers­poon eta Ni­co­le Kidman aktoreak ditugu. Hauek, Hollywood-eko zine in­dus­triak beren edadeko aktore­en­tzako duten lan eskaintza mu­rritzak ikusita eta pertsonaia hauek zuten interesgarritasun fal­ta medio, produktora propioa mon­tatu ostean, hasiera eman zioten proiektu honi forma emateko prozesuari. Horretarako, Da­vid E. Kelly (Ally McBeal) gi­doilari eta produktorearekin eta Jean-Marc Vallée (Dallas Buyers Club) zuzendariarekin lan taldea sortu zuten, hainbat lan eta negoziazioren ostean, HBOk telesaila erosi zuen arte.

Otsailaren 19an, igandez, estreinatutako zazpi kapituluz osa­tutako istorio honetan, ai­patutako sortzaile/aktore nagusiez aparte, Laura Dern (enlightened), Shailene Woodley (Di­ver­gente) eta Alexander Skars­gard (True Blood) aktoreak ere aurkituko ditugu, besteak bes­te.

Tramari begirada bat bota­tzen badiogu, BLL, Kalifor­nia­ko Monterey herrian dagoen komunitate ‘pribatu’ batean gertatzen den istorioa dugu. Idilikoa dirudien jen­de aberatsen eguneroko bizi­tzan murgildurik, gure aktoreen bizitza ezagutzen hasiko gara. Halaber, hilketa bat izan dela (edo hobe esanda, kronologikoki, izango dela) ezagutuko dugu, hildakoa zein den jakin gabe edo nola gertatu den. Bi linea tenporaletan salto eginez, protagonisten egunerokoa eta poliziak gerora eramango duen ikerketarena, datu eta aspektu berriak ezagutzen joango gara. Modu honetan, fatxada den bizitza honen atzean gure lagunek dituzten lixkar, arazo eta sekretuak azaltzen joango zaizkigularik. Postal idilikoa, egia den panoramika ilun argian bihurtuz.

Nabaria da Telesail honen funts nagusia, bere aktoreen antzezlana ‘jorratua’ dugula. Beraiengan eroriko baita tramaren pisu eta protagonismo osoa. Hala ere, aurkezten den gertakaria eta kontatzeko moduak, se­gituan harra­patuko zaitu.

Dudarik gabe, Hilabeteko Estreinua.