19:00

Performance zikloa

1. performancea. Ehorzketa. Sistema patriarkala sinbolikoki lurperatzeko gonbidapena.  KarmeLaHoz egilea.  Sarrera librea da.

18:30

Emakumeen Euskal Literatura Mintegia

Emakumeen Euskal Literatura Mintegian Oihane Amantegiren Cayo Hueso liburua izango da aztergai Alaine Agirrek gidatuta. 18:30etan hasiko da Udal liburutegian. 

12:00

Kalez kale kantari + erromeria

19:00

Solasaldia Ane Mayozekin

Hogeita lau ordu emakume baten bizitzan. Stephan Zweig-ena. Ane Mayozek gidatuta. 

18:00

Aftersun

Sophiek duela 20 urte aitarekin egin zituen oporren alaitasun partekatuaz eta malenkonia pribatuaz hausnartzen du. Zuzendaria: Charlotte Wells Iraupena: 98 minutu Herrialdea: Erresuma Batua Adina: 7 urtetik gorakoentzat Jatorrizko hizkuntzan, gaztelaniazko azpidatziekin /  Doako sarrera

19:00

Solasaldia Slawska Grabowskarekin

Martin Amisen Tren nocturno liburuaren solasaldia gidatuko du Slawska Grabowskak. 

19:30

Kontzertua: Don Inorrez

Bide Ertzean taldeak atsedenaldi mugagabea iragarri zuen 2016ko abenduan. Taldeko kantaria bakarlari gisa ari da ordutik hona. Don Inorrez, hortaz, Imanol Ubedaren alter ego bat da. Ezizen artistiko bat. 2021ean, hirugarren diskoa kaleratu zuen, Esku hutsik izenekoa. Lehen diskoko power pop estilora itzuli da, pandemiaren aurrean, rockaren botika proposatzeko gogoz. Letra ironikoak, gitarra zorroztuak eta erritmo biziz osatutako 10 abestik osatzen dute. 2022an, Sastraka / Maleza izeneko artefkatu literarioan hartu zuen parte Don Inorrezek, Pello Lizarralde idazlea, Jose Ignacio Agorreta margolaria eta Imanol Rayo zinegilearekin batera. 12 kantuz osatutako diskoa egin zuten. Imanol Ubeda: kantaria Karlos Aranzegi: bateria Fernando Neira: baxua Ruben Caballero: gitarra Sarrerak salgai daude jadanik 8 eurotan

16:30

16:30

Salta

urriak 21, larunbata: 16:30 urriak 22, igandea: 16:30 Oscar eta Teo (13 eta 10 urte) auzoko pisu apal batean bizi diren bi anaia dira, oso desberdinak. 1989ko uda da. Teo futbolaria da eta apur bat bihurria, Oscar sasijakintsua, udako arratsaldeak erlatibitatearen teoria aztertzen pasatzea nahiago duena. Egia esan, bakoitzak bere erara borrokatzen du bere amaren desagerpenarekin, etorkizun handiko zientzialari bat, zizare-zuloekin obsesionatua. Zuzendariaren beraren film labur bat egokitzen duen film luzea, "Einstein-Rosen" Zuzendaria: Olga Osorio        Iraupena: 85 minutu       Adina: guztientzat Sarrera: 3 euro

19:00

Bakarrizketa: Euskaldunen jatorria, historia eta irria

Euskaldunen benetako jatorria, kultura, historia umorezko bakarrizketa antzeztu honen bidez kontatua. Gure euskara, herria eta kulturaren bizi iraupena ezagutzeko garaia da. Gure historian barrena bidaiatzeko aukera originala, antzezlan umoretsu honen bitartez. Big Bangetik hasita, gaur arte: Nire aitaren kobazuloa defendatuko dut lehen euskal pintadetatik, euskalduna naiz eta furgoneta daukat leloraino. Ez da bakarrizketa stand up soil-soila; bertan, umorea, historia, kantuak, musika, 3D efektuak, karaokea eta euskal pertsonaia desberdinen imitazioak izango dira. Lan honekin bakarrizketa egile gisa egindako ibilbideari amaiera emango dio Txiki-k. Jon Martinez Esnaola, Txiki Sarrerak: salgai daude 5 eurotan Biteriko sarrera edo online kultura.hernani.eus webgunean.

17:30

Ipuin ordua

Ipuin ordua Dorleta Kortazarrekin. Gonbidapenak liburutegian eskuratu daitezke Biterin egingo den entzunaldirako.  Bi saio izango dira 17:30etan 3-5 urte bitartekoentzat eta 18:15 sei urtetik gorakoentzako.  

19:30

Nahasketak: Su(i)rrealismoa

Logela Multimedia eta Circle of Trust konpainiek sormen-indarrak batu dituzte eta ikuskizun berritzaile bat plazaratu dute. Dantza, interakzioa, bideo sorkuntza eta musika uztartzen dituen sorkuntza. Logela Multimediaren arte bisualek eta Zaragozatik datorkigun Circle of Trusten break dance harrigarriak bat egingo dute eszenan. 1940ko hamarkadan, bigarren mundu gerra piztu zen bitartean Parisko kafetegiak hainbat diziplinatako artisten topaleku ziren. Horiek korronte artistiko berri bat sortu zuten: surrealismoa. Artista surrealisten ezaugarrietako bat inkontzientea irudimenaren iturria dela erakustea da, eta artista horien lana berrinterpretatu dute, XXI. mendeko hizkuntzaren bidez: SuiRREALISMOA. Zuzendaria: Imanol Garaizabal Ikus-entzunezkoak: Logela Multimedia Dantzariak: Carmina Sánchez, Diego Bayona, Alberto Prado, David Ventosa, Juanma Aragón, Marcos Pardo Musika: Ander Garaizabal & DJ PUT1 Iraupena: 55 min. Sarrerak salgai daude 8 eurotan Biteriko sarrera edo online kultura.hernani.eus webgunean.

12:00

Eleder Magoa

Eleder Magoaren ikuskizuna magiaz eta ilusioz beteriko ordubeteko saioa da. Adin guztiei zuzendutako saio ikusgarria eta dinamikoa da. Magia, jolasa, dantza eta irria nahastuko dituen saioa da, baina bereziki, publikoaren parte-hartze handia izango duena. Ikuskizunak magia joko ikusgarriak izateaz gain, agertokiko karpa erraldoia, soinu ekipoa eta teknikari propioak ere baditu. Ikuskizun handi samarra da, bai magia-jokoen aniztasunagatik, bai eszenaratzeagatik. Eleder magoaren ikuskizuna orain arte Euskadin antzeztutako magia ikuskizunetatik erabat urruntzen da.   Sarrera 3,5 eurotan erosi daiteke dagoeneko Biteriko sarreran edo on line kultura.hernani.eus webgunean. 

17:30

Kultur bira auzoz auzo: Tor magoa

Magia ikuskizun oso parte hartzaileak eta umoretsuak. Haurrak denbora guztian egongo dira Tor magoarekin tirabiraka Sorgintxulon. Ez dute soilik magia ikusiko, egindo dute!

12:00

Haur antzerkia: Andereño

Andereñoa ausarta, trebea eta atsegina da. Haurren gaitasunetan sinesten du, guztien gaitasunetan. Andereñoak eta bere gelako txikiak eskola eder bat eraiki dute elkarrekin, basoan animalia guztientzako tokia duen eskola bat. Gure irakasleak gehien maite duen hitza askatasuna da, eta, beraz, bere klasea askatasunez haztea nahi du. Zoritxarrez, nagusiek gerra hasiko dute, eta, ondorioz, gure protagonistek atzean utzi beharko dute amestutako eskola, maitasunetik eta elkarren zaintzatik eraikitako eskola. Anderereñoren istorioa aske eta zoriontsu izateko saiakera ero eta ederra da. Zuzendaria: Iván Alonso Ideia: Miren Larrea Txotxongiloen diseinua: Valentina Raposo Aktoreak: Maren Basterretxea, Valentina Raposo Musika originala: Fran Lasuen Anita Maravillas Adina: + 6 urte   Iraupena: 55 min. Sarrerak: urriaren 30etik aurrera

19:00

Zinekluba: Gelditasuna ekaitzean

Paristik Donostiara itzuli da Lara, Telmo bikotekidearekin, bertan behin betirako geratzekotan. Daniel, aldiz, inoiz ez da hiritik mugitu; Vera bikotekidearekin bizi da, eta amaren etxe-agentzian lan egiten du. Salgai dagoen etxebizitza bat erakutsiko dio Danielek bikote iritsi berriari, eta, etxe horretan, haren eta Lararen begiradek bat egingo dute. Baliteke ez izatea elkar ikusi duten lehen aldia; baliteke, behinola, euri zaparrada batek elkartu izana, aterpe beraren azpian.  Zuzendaria: Alberto Gastesi   Iraupena: 97 minutu    Herrialdea: Euskal Herria      Adina: guztientzat Urtea: 2022 Jatorrizko hizkuntza, euskaraz-gaztelaniaz / Ondoren, solasaldia zuzendariarekin eta filmeko protagonistekin. Sarrera: 3,00 euro

19:30

Musika: Maria Berasarte & Pepe Rivero

Ahotsa eta piano doinuak uztartzen dituen Delirio proiektua aurkeztuko dute Maria Berasarte kantari donostiarrak eta Pepe Rivero piano-jole kubatarrak. Delirio proiektuan bi mundu, bi kontinente musikal gurutzatzen dira. Musika klasikoa, jazz-arekiko pasioa eta norberaren sustraiak –euskal sustraiak eta kubatarrak– batzen ditu bi musikariok. Horrela, ahots eta pianoaren bidez, Joan Manuel Serraten Aquellas pequeñas cosas, Mikel Laboaren Txoriak txori eta Kurt Weillen Je ne t’aime pas interpretatuko dituzte, besteak beste. Maria Berasarte: ahotsa Pepe Rivero: pianoa Sarrerak urriaren 30etik aurrera

19:30

Antzerkia: Kanpora sartzen

Umorez betetako emanaldi gordina. 2013Ko martxoan, Xabinek seropositiboa zela jakin zuen; egun hartan, dena aldatu zen. Hamar urteren ostean, Xabinen eta Birusaren arteko harremanari buruz hitz egiteko garaia iritsi da. Haien arteko elkarbizitzaren lekuko izango gara lan honetan, azken hamarkadan gertatutako pasadizoak errepasatuz. Pilulak, estigma, lotsa, kontsultak, beldurra, kulpa, bakardadea, osasun mentala, terapia, pandemia... Nola eragin du birusaren etorrerak Xabinen eguneroko bizitzan? Lehen pertsonan idatzitako lana da Kanpora sartzen. Sentimendu gordinenen eta umorearen arteko oreka bilatzen duena, eta seropositibo baten egunerokotasunean gertatzen diren kontuak azaltzen dituena. Zuzendaria: Aitziber Garmendia Mendizabal Egilea: Xabin Fernandez Zubeldia Zuzendari laguntzailea: Sara Cozar Aktoreak: Xabin Fernandez Zubeldia, Intza Alkain Ibarguren Txalo Produkzioak Sarrerak: azaroaren 13tik aurrera

19:30

Antzerkia: Yerma

BERA artista bilbotar ospetsua da. Bere senarra, negozio-gizon arrakastatsua. Bere ahizpa, bizitzak harrapatutako emakumea. Bere amak inoiz besarkatu ez zuen pertsona hori... Eta bere bikote ohia ama izateko aukera eskaini ziezaiokeen pertsona. Hau da gure Yermaren eszenatokia. Agian sakrilegioa da Yerma Lorcaren hitzik gabe planteatzea, baina honek gaur egun seme-alabak izateko ezintasunari aurre egin behar dioten emakume guztien hitzak biltzen ditu. Asko direlako, nahiz eta inork ez hitz egin haiei buruz. Naturala eta ederra den zerbait obsesibo eta mingarri bihurtzen duen emakumea da Yerma hau.  Zuzendaritza eta dramaturgia: Maria Goiricelaya Aktoreak: Sandra Fernández Agirre, Aitor Borobia, Loli Astoreka, Leire Orbe, Unai Izquierdo La Dramatica Errante  Hizkuntza:gaztelaniaz Sarrerak: azaroaren 13tik aurrera

19:30

Antzerkia: Toto

Maik eta Joseluk, TOTO txakurtxoaren kustodia partekatzen dute. Toto galdu egin da Joselurekin zegoenean eta orain Maik ezin du bizitza bera gabe imajinatu. Maitasunik gabe. Maik eta Joseluk modu latzean eztabaidatzen dute. Barrutik tragedia moduan bizi ohi diren eztabaidak, kanpotik ikusita, gehienetan barregarriak eta komikoak bihurtzen dira. TOTO, komedia olinpikoa da. TOTOk belaunaldiz belaunaldi iraun duen sagastien adina dauka edota txakurkume batena ere bai. TOTOK maitasunaren zuri-beltzaz hitz egiten du oro har, eta bere magnitude kosmiko osoan. Joselu, Mai eta Toto, oraintxe bertan, gizateriaren eta animaltasunaren artean daude. Zuzendaria: Agurtzane Intxaurraga Egilea: Mafalda Bellido Aktoreak: Miren Gojenola, Asier Hernández Hika Teatroa Sarrerak: azaroaren 13tik aurrera

12:00

Haur antzerkia: Gure Kanoa

Abba, Senegalgo arrantzale familia batean jaiotako haurra da. Berak ongi daki Maam Kumba kantuan hasten denean, bere bihotzean bizi den Arrain Argitsua mila kolorez piztu eta herritarrek arrantzatu dezaten, arrainak erakartzen dituela Arrainen Etxera. Horrela esaten diote itsasoari. Zoritxarrez, itsasontzi handiek haien bizimodua eraldatu dute, Maam Kumba mutu gelditu da, isildu da jakituriaren kantua, mutu geratu da herria, arrainik gabe Arrain Etxea. Eta ondorioz, Abba ezustekoz betetako bidaia luzean murgilduko da. Zuzendaritza: Josu Cámara Gidoia eta sorkuntza: Josu Cámara, Eñaut Gorbea, Odei Arregi Txotxongiloen manipulazioa: Eñaut Gorbea, Odei Arregi Musika originala: Pascal Dione Zurrunka Teatro Adina: + 4 urte  Iraupena: 55 min Sarrerak: azaroaren 13tik aurrera

19:00

Zinekluba: Paterson

Paterson izena duen eta Patersonen, New Jerseyn, bizi den autobus gidari eta poeta zale bati buruzko istorioa. Zuzendaria: Jim Jarmusch Iraupena: 113 minutu Herrialdea: Estatu Batuak Urtea: 2016 Adina: guztientzat Jatorrizko hizkuntzan, euskarazko azpidatziekin / Versión original, subt. euskera Sarrera: 3,00 euro

19:30

Abundance

Desirari eustea oreka mantentzea da, baina baita izan ditzakegun esperientzia berrien aurrean pareta bat eraikitzea ere. Desira askatzeak, aldiz, gure zentzumenak areagotzen ditu, baina aldi berean, KAOSA eragiten du. Abundance ikuskizunak indarrean dirauen pentsamolde erromantikoa ezbaian jartzen du. Printze eta printzesaren istorioa desagerrarazi nahi du, oraindik hain ukiezina den monogamia zalantzan jarriz. Bost interprete oholtza gainean eta konpainiarentzat ezinbestekoak diren elementuak: estetika boteretsu eta koloretsua, mezu zuzen eta indartsu batekin.  Zuzendaritza: Osa + Mujika Dramaturgia eta koreografia: Jaiotz Osa Interpreteak: Cristina Aldasoro, Carlos Ojeda, Maddi Ruiz de Loizaga, Rafke Van Houplines, Jaiotz Osa Jantziak eta eszenografia: Xabier Mujika Musika: Gartxot Iraupena: 52 min. Sarrerak: abenduaren 4tik aurrera

19:30

Baginaren bakarrizketak

Baginaren bakarrizketak jatorri, adin, arraza eta maila sozial eta kultural desberdineko 2.000 emakumeri egindako elkarrizketen emaitza da. Elkarrizketa horietan, emakumeak beren sexualitatearekiko sentitzen dituzten erru eta lotsa sentipenetatik libre azalduko dira. Baginaren bakarrizketak gehien antzeztu den testu garaikideetako bat da, eztabaida piztu, moldeak apurtu, dinamika sortu, eta lotsarik gabe, argi eta garbi azaltzen du emakumeen sexualitatea. Umorea, samurtasuna eta, tarteka, izua adieraziko dute hiru aktoreek bakarrizketa horietan. Sare honetako ehunka emakumeri ahotsa jarriko diete, eta haiek bezala, barrearen ondoan poesia eta probokazioa jarriko dituzte. Egilea: Elve Ensler Zuzendaria: Begoña Bilbao Lejarzegi Aktoreak: Itziar Urretabizkaia, Ainhoa Etxebarria, Intza Alkai Txalo produkzioak Sarrerak: abenduaren 4tik aurrera

18:00

Mamut

Hiru pertsonaia hominido otsoen mehatxutik babesten dira mamut baten hezurren ondoan. Eta bizirauteko borrokan, elkar ulertzea, lankidetzan aritzea eta elkarrekin sortzea erabakitzen dute, ezberdintasunak alde batera utzita. Mamuta eta bere hezurrak sormenerako tresna bihurtzen dira. Horrela, fikzioaren aurkikuntza da aurkikuntzarik boteretsuena, beste errealitate eta aukera batzuei atea irekitzen dielako. Horrela, asmakizun edo aurkikuntza berri bakoitza gure existentzia lotzen duen korapilo berri bat bezalakoa da. Markeliñeren jatorrizko sorkuntza da Mamut, familiei zuzendua, gizakiaren eboluzio prozesuari buruz. Gidoia eta zuzendaritza: Markeliñe Aktoreak: Nerea Martínez, Fernando Barado, Maite Bayón (Gaizka Chamizo) Zuzendari teknikoa: Pako Trujillo Musika: Xabier Zeberio Markeliñe teatro  Iraupena: 50 min. Sarrerak: abenduaren 4tik aurrera

22:00

Willis Drummond

Willis Drummond rock taldea 2006an sortu zen. Ibilbide oparoa izan du urteotan Baionako taldeak, zazpi disko kaleratu ditu, azkena Hala ere izenekoa. Hain zuzen, diskoaren aurkezpen birako azken kontzertuetako bat izango da Hernanikoa. Rock elektrikoki lan intelektual eta zuzena da disko berria, gogoeta eragin asmo duten letrekin. Garai bateko energia eta soinu gordina atxikitzeko helburua izan du taldeak, baina alde modernoa eta garaikidea alde batera utzi gabe. Letrak dira horren adibide. Gaur egungo mundua islatu nahi izan dute letretan, hain zuzen, mundu horrek dakartzan kontraesanak eta kezkak agerian uztea. Jurgi Ekiza: ahotsa, gitarra Xan Bidegain: baxua, koruak Felix Buff: bateria, perkusioak Vincent Bestaven: gitarra, teklatuak Sarrerak azaroaren 13tik aurrera

18:00

Kutxartean

Kutxartean ikuskizunak mundua abentura handiak bizitzeko kutxa handi bat dela iradokitzen du, hain zuzen, 45 urteko ibilbidean, eszena Teatro Paraiso konpainiarentzat izan den moduan. Ikuskizun honek jolasaz gozatzera, lagunarteko zailtasunak gainditzera eta beste gizaki batzuekin batera edozein amets lor daitekeela irudikatzera gonbidatzen gaitu. Umorez betetako istorio honetan, kutxa batzuetan bizi diren bi lagunek leku ameslarietarako bidaiak imajinatzen dituzte. Egilea: Rosa A. García Sardon Zuzendaria: Tomas Fernández Alonso Aktoreak: Xabier Artieda, Xabier Flamarique, Aritz Bengoa Teatro Paraiso       Adina: + 4 urte        Iraupena: 50 min. Sarrerak: abenduaren 4tik aurrera

17:00

13:00

Gordiak neuzkanak

Benigno Albeniz `'Iruntxiberri' atisau eta eskultoreak urriaren 7ra arte eskainiko du erakusketa Biteriko erakusketa gelan

17:00

12:00

Zelabideko jaiak

Zelabide auzoko jaiak urriaren 6an hasiko dira eta asteburuan luzatuko dira. 

22:30

16:30

Passages

urriak 6, ostirala, 22:30 urriak 7, larunbata: 19:30 eta 22:30 urriak 8, igandea: 19:30 urriak 9, astelehena: 16:30 ikuslearen eguna Parisen filmatu zuen azken egunean, Tomas zinema-zuzendaria Agatherekin oheratu da, diskoteka batean ezagutu duen neska batekin. Tomasek Martin senarrari harro kontatzen dionean, pasioz, jelosiaz eta nartzisismoz betetako harreman grinatsua sortuko da hiruren artean. Zuzendaria: Ira Sachs   Iraupena: 91 minutu    Herrialdea: Frantzia       Adina: 7 urtetik gorakoentzat   Sarrera: 4,50 euro      Ikuslearen eguna, astelehena: 3 euro

16:30

16:30

Mavka, basoaren ziandaria

urriak 7, larunbata: 16:30 urriak 8, igandea: 16:30 Baso sorgindu honen zaindaria da Mavka, eta basoa edozein eraso edo bidegabekeriatik babestea du helburu nagusi, baita gizakien erasoetatik ere. Lucas ezagutu du, mendietan galdutako musikaren maitale gaztea, eta maitemindu egin dira. Arau guztien kontra, Mavka eta Lucas maitasun-istorio batean murgildu dira, erreinuan izango dituzten ondorioak kontuan hartu gabe. Mavkak basoa salbatu ahalko du? Zuzendaria: Aleksandra Ruban, Oleh Malamuzh    Iraupena: 99 minutu    Herrialdea: Ukrania     Adina: guztientzat Sarrera: 3 euro

Bakailu Astea

Bakailu Astea, urriaren 9tik 20ra, herriko hainbat tabernatan. 

22:30

16:30

Las chicas están bien

urriak 13, ostirala, 22:30 urriak 14, larunbata: 19:30 eta 22:30 urriak 15, igandea: 19:30 urriak 16, astelehena: 16:30 ikuslearen eguna Lau aktoreren eta idazle baten arteko elkarbizitzari buruzko udako ipuina. Antzerki-lan bat errota zahar batean entseatzen dute, mundutik urrun. Sorginkeria baten istorioa da. Printzesak, apoak, ibaiak, gutunak eta printze despistatu bat. Entsegu-egun horietan, obrak planteatzen dituen materialen bidez elkar ezagutzen eta neurtzen joango dira neskak, eta beren pertsonaien gaien inguruko bizipenak emango dituzte: maitasuna, edertasuna, zurztasuna, fedea, adiskidetasuna, emanaldia, heriotza. Zuzendaria: Itsaso Arana      Iraupena: 85 minutu         Adina: guztientzat   Sarrera: 4,50 euro      Ikuslearen eguna, astelehena: 3 euro

16:30

16:30

Transformers, el despertar de las bestias

urriak 14, larunbata: 16:30 urriak 15, igandea: 16:30 1994an, arkeologo pare bat antzinako gatazka batean murgilduta aurkitu ziren, Transformersen hiru fakziorekin lotzen den mundu osoko abentura baten bidez: Maximals, Predacons eta Terrorcons taldeak, Optimus Prime eta Autobotei Unicronen etorreratik Lurra babesteko gerra batean laguntzen dieten bitartean. Zuzendaria: Steven Caple Jr.     Iraupena: 127 minutu     Herrialdea: Estatu Batuak     Adina: 12 urtetik gorakoentzat

18:00

20:00

Itsaspeko Bihotzak

Galtzagorri elkarteak antolatzen du Itsaspeko Bihotzak erakusketa. 

22:30

16:30

Oppenheimer

urriak 20, ostirala, 22:30 urriak 21, larunbata: 19:30 eta 22:30 urriak 22, igandea: 19:30 urriak 23, astelehena: 16:30 ikuslearen eguna Gerra garaian, Julius Robert Oppenheimer fisikari estatubatuar distiratsuak, "Manhattan Proiektua" ren buru, bere herriarentzat bonba atomikoa eraikitzeko saiakuntza nuklearrak gidatzen ditu. Bere botere suntsitzaileaz hunkitua, Oppenheimerrek zalantzan jartzen ditu bere sorkuntzaren ondorio moralak. Harrezkero, eta bere bizitza osoan, arma nuklearrak erabiltzearen aurka zegoen. Zuzendaria: Christopher Nolan    Iraupena: 180 minutu     Herrialdea: Estatu Batuak     Adina: 12 urtetik gorakoentzat Sarrera: 4,50 euro      Ikuslearen eguna, astelehena: 3 euro

19:00

Txantxillako jaiak

Txantxillako jaiak   urriak 27, 19:30 Züttik elektrotxaranga urriak 28, 17:00etan, Zapotxin pailazoa eta 20:00etan, Andoni Ollokiegiren kontzertua.  

22:30

16:30

Vacaciones de verano

urriak 27, ostirala, 22:30 urriak 28, larunbata: 19:30 eta 22:30 urriak 29, igandea: 19:30 urriak 30, astelehena: 16:30 ikuslearen eguna Bi lagunek, Oscarrek eta Felixek, lana galdu dute eta aldi baterako lana onartu beharko dute luxuzko hotel batean haur animatzaile gisa. Biak dibortziatuta daudenez, seme-alabak udako hilabete batean tokatzen zaizkie eta ezinezkoa zaie lanarekin uztartzea. Ondorioz, haurrak eraman eta hotelean ezkutatzea erabaki dute, langileen eremuan ezkutatuta... baina plana desastre hutsa da. Zuzendaria: Santiago Segura    Iraupena: 100 minutu      Herrialdea: Espainia      Adina: guztientzat Sarrera: 4,50 euro      Ikuslearen eguna, astelehena: 3 euro

16:30

16:30

La puerta magica

urriak 28, larunbata: 16:30 urriak 29, igandea: 16:30 Paul Carpenter J.W. Wells & Co enpresa misteriotsuaren bekadun berri bihurtu da gauetik goizera, Sophie distiratsuarekin mahaia partekatuz. Azkar, biak konturatu dira beren lan berria ez dela batere konbentzionala. Sophie Kasualitateen Departamentura igotzen duten bitartean, Humphrey Wells enpresako zuzendari nagusiak Paul gaztea konbentzitu du munduko objekturik boteretsu eta gutiziatuena bila dezan: ate magikoa. Misio ilun eta arriskutsu horrek hamaika leku harrigarritan murgiltzera eramango du Paul: iratxoz betetako soto baten sakonetik Himalayako goialderaino. Bilaketa horretan, Paul ustekabeko heroi bihurtuko da, eta mundua salbatu beharko du giza arraza inoiz mehatxatu duen planik gaizto eta deabruzkoenetik. Zuzendaria: Jeffrey Walker               Iraupena: 116 minutu             Herrialdea: Estatu Batuak               Adina: 7 urtetik gorakoentzat