Kontzertuak, Santa Zezilia ospatzeko

Julen Borreguero Fernandorena

Santa Zezilia eguna (azaroak 22) gainean daukagu, eta Hernanin hainbat kontzertuz gozatzeko aukera izango da horren harira. Gaurkoan Hernani Musika Eskolako kideak izango dira Biterin, arratsaldeko 18:30etan. Biharkoan Hernaniko Musika Bandaren txanda izango da; kontzertua eskainiko dute udaletxeko arkupeetan, eguerdiko 12:30etan. Igandean, berriz, Kantuz Eguna eta Santa Zezilia ospatuko dituzte aldi berean, Kantuz Abesbatzako kideek. 12:30etan eskainiko dute emanaldia, Biteri kultur etxean, eta loreekin zerikusia duten abestiez egongo da osatua programa.

Azkenik, datorren ostegunerako, azaroaren 26rako alegia, Goiz Eguzkik antolatu du kale buelta, 12:00etan. Kaxkoan zehar ariko dira kaleak alaitzen; Urbieta kaletik abiatuko dira, eta azoka zeharkatu ez ezik, Kaxko osoan zehar ere ariko dira kantuan, Vinaixa Gartzia Ezeizaren gidaritzapean.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!