Herritar talde batek hartu zuen ardura, joan den urtean, Hernaniko Errege Kabalgata antolatzeko; eta hasitako ibilbideari segida emango diote aurten: ez da kabalgatarik faltako urtarrilaren 5ean.
Horretarako, bilera irekia deitu dute gaurko. Biterin jarri dute hitzordua, iluntzeko 19:30etan, datorren urtarrileko Errege Kabalgataren antolaketaz aritzeko. Parte hartu nahi duten herritar guztiei luzatu diete gonbitea, bilerara bertaratu eta antolaketan parte hartzeko.