Gipuzkoako txapeldun izan ziren Hernaniko kadete zein jubenil mailako esku pelotariak, pasa den asteburuan Atano IIIan. Ekhi Galdos-Hegoi Zabala bikoteak menderatu zuen Behar Zana, 22-12, kadeteen lehen mailan. Jarraian, jubenilen lehen mailan, Ekhi Osesek eta Lier Zugastik ere menderatu zuten talde bera, 22-17.
Bestalde, finalerdiak jokatu zituzten pasa den astean Hernaniko neskek, binakako gomazko paletan. Lehen mailakoek, Nahia Eizmendik eta Leire Galdosek, 30-13 irabazi zuten finalerdia, Intxurreren aurka, eta finala jokatuko dute, Hernaniko Garazi Eizmendi eta Naroa Saezen aurka. Eta Hernaniko kiroldegian jokatuko dute finala, etzi (larunbata, azaroak 14), eguerdiko 12:00etan. Aldiz, bigarren mailakoek, Maddi Iriondok eta Lorea Luluagak, galdu egin zuten finalerdia, 30-28 Iruleaken kontra.