Bueltan dira Hernanin igeriketa lehiaketak. Bihar, larunbata (urriak 31), 16:00etan hasita, jokatuko da herriko kiroldegian Neguko Liga Probintzialaren 2garren jardunaldia, Hernani Igeriketa Taldeko 20 parte-hartzaileekin, proba eta estilo ezberdinetan parte hartuko dutenak.
Horrez gain, zuzendaritzako kide eta guraso talde bat (15 pertsona guztira) arduratu da eta arduratuko da txapelketa antolatzeaz, denborak neurtzeaz eta diru-sarrerak lortzeko jartzen den salmenta postua kudeatzeaz. Postu honetan jarriko dituzte salgai tortilla pintxoak eta bizkotxoak, kiroldegira hurbiltzen direnentzat.