Urrian zehar jokatu dira gimnasia erritmikoko taldeen Euskadiko eta Gipuzkoako txapelketak. Eta bietan, podiumeko koxka gorenera igo dira bi hernaniar, senior mailan: Unax Pellejero Goikoetxea eta Hize Andueza Zubimendi. Donosti klubeko talde mixto abstolutuaren parte dira biak, eta haiekin lortu dute balentria.
Leioan jokatu zuten Euskadiko Taldeen Txapelketa, hileko hirugarren asteburuan; eta 49.366 punturekin lortu zuten garaipena, Donosti klubeko bigarren talde baten (47.900) eta Oskitxoren (41.100) aurretik. Gipuzkoakoan, berriz, astebete lehenago nagusitu ziren, Azkoitin.