Urtero lez, sagardo lehiaketa antolatu dute urriaren 24rako, Xalaparta Elkartean, arratsaldeko 20:00etan. Izena emateko epea zabalik dago, urriaren 20ra arte, eta gehienez 64 lagunentzako tokia izango da.
Arauak ezarri dituzte antolatzaileek, afariaren eta lehiaketaren funtzionamendua egokia izan dadin: sagardoa eta ura baino ezingo dira edan lehiaketa hasi eta amaitu bitartean; dastatzen diren sagardo guztiak puntuatu behar dira; mahai bakoitzak ordezkari bat izendatuko du, eta honek ziurtatuko du sagardo guztiak puntuatu direla, botila bakoitzari dagozkion 8 lagunen puntuak jaso, grapatu eta tupperrean sartuko ditu, eta mahaiko zerbitzariari emango dio tupperra. Menua, bestalde, 35 euroan dago: sarrerakoak, bakailua, entrekota piperrekin, postrea eta kafea zein kopa.