Plan ederra izango dute gaztetxoek datorren irailaren 27an (igandea) Hernanin. Porrotx, Marimotots, Pupu eta Lore pailazoen 'Zerua lapurtu dute' izeneko ikuskizuna izango da Atsegindegin, goizeko 11:30etan.
Katxiporretako pailazoek elkarlanean Hernaniko Rugby taldeari laguntzeko egin ohi dute saioa, urtero. Sarrerak salgai daude, labur.eus/katxiporretahernani webgunean, 9 euroan, eta urtebetetik beherakoek ez dute sarrerarik behar, doakoa dute.