Luzea izan da etenaldia. Lau hamarkadatan gauza asko gertatu dira, eta gauza asko aldatu. Begiratu bestela ondoko argazkiak! 1985ekoak dira, Jauregiko Jaietakoak. Horien ondoren, beste urte bat gehiago iraungo zuten, ospatzeari utzi aurretik.
Baina bukatu da itxaronaldia, eta bueltan dira auzoko jaiak, garai hartako ilusio eta gogo berarekin. Halaxe aritu dira lanean Jaubizi auzo elkarte sortu berriko kideak, festak berreskuratu nahian. Eta 40 urteren ondoren, gaur ospatuko dituzte berriro.
Egun osoko programa prestatu dute horretarako, eta giro polita izango da ziur. 10:00etan txupinazoa bota ondoren, bertsolariek hartuko dute protagonismoa, eta barrez baserri eta etxez etxe ibiliko dira Eli Pagola eta Andoni Rekondo, umorea zabaltzen. Auzo bazkariaren bueltan bilduko dira jauregitarrak gero, eta ederra izango dute arratsaldea, haur jolas, toka, igel eta mus partida artean. Erremonteaz gozatu nahi duenak ere, ondo-ondoan izango du aukera, Barrenetxearen eta Juanenearen partidu garrantzitsuarekin. Eta dantzan borobilduko dute festa eguna, musika saio bikoitzarekin.
JAUREGIKO JAIAK
EGITARAUA
GAUR, larunbata
10:00, Txupinazoa.
11:00, Bertsoak atez ate, Eli Pagola eta Andoni Rekondo bertsolariekin, auzoko baserri eta etxeetan barrena.
14:00, Auzo bazkaria.
16:00-18:00, Haur jolasak, toka-igel txapelketak, eta mus txapelketa.
16:30, Erremonte jaialdia, Galarreta frontoian.
17:30, Txokolatada.
18:30, Erromeria, Bitartean Folk taldearekin.
22:00, Musika festa, DJ Xabi Pitch.ing-en eskutik.