Larunbat honetan hasiko du ikasturtea Kalez Kale Kantarik, eta nobedadeekin dator gainera: Mirentxu Egizabalek gidatuko du kale buelta etzitik aurrera, Xabier Odriozolaren lekua hartuta. Ekaineko saioarekin bukatu zuen bere ibilbidea Odriozolak, zuzendari gisa. Haren aurretik, Javier Zubimendi izan zen Kalez Kale Kantariko lehenengo zuzendaria.
Ohi bezala, Plaza Berrin jarri dute elkartzeko hitzordua, eguerdiko 12:00etan. Eta bertatik abiatuta, Kaxkoan barrena ibiliko dira kantari. Herritar guztiei luzatu diete haiekin bat egin eta kantu saioetan parte hartzeko deia.