Irailaren hasierarekin batera, ohiko ordutegira bueltatu da Hernaniko Energia Bulegoa. Jendaurreko arreta eskaintzen hasi da hilaren hasierarekin batera: astearte eta ostegunetan goiz zein arratsaldez (10:00-13:00 eta 15:00 18:00), eta asteazkenetan goizez (10:00-13:00). Bulegotik aditzera eman dute, 2026ko lehenengo erdian (urtarriletik ekainera) 157 herritarren kontsultak bideratu dituztela, gehienak (%90a) faktura elektronikoari buruzko zalantzen inguruan. Kalkulatu dute aholkuei esker aurrezpen ekonomikoa 42.647,66 eurokoa izan dela. Bestalde, Burujabetzen Etxean (Florida, 28) kokatuta dagoen bulegora hurbildu diren gehienak emakumeak izan dira (%61), eta adin tarteari dagokionez, 45 urtetik gorakoak izan dira gehienak (%76), 45-65 urte artekoak %53a izanik.
Energia Bulegoa, ohiko ordutegian
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!