Aurreko denboraldian sekulakoa eginda, kategoria berrian egingo du debuta CD Hernaniko nesken futbol talde nagusiak: RFEF Hirugarren Mailan. Ilusioz beteta ekingo dio ligari, hurrengo astean, etxetik kanpo: Eibarren zelaian jokatuko du, irailaren 12an edo 13an. Zubipen, berriz, aski ezaguna duen talde baten kontra hasiko du ibilbide berria: Pauldarrak izango du bisitari irailaren 20ko asteburuan, Hernani bezalaxe aurten igo dena Euskal Ligatik Hirugarren Mailara.
Denera 14 talde ariko dira hernaniarren multzoan, eta beraz, 26 partidu jokatu beharko dituzte, maiatzera bitarte. Kontrarioen mailak eta partiduen zailtasunak ere gora egingo du, noski. Horrela, denboraldiaurreari ekin baino lehenago ere, taldea ondo osatzeko lanetan aritu da kluba. Ez da aldaketarik izango entrenatzaile taldean, eta Mikel Mancisidorren aginduetara ariko dira jokalariak denboraldi honetan ere. Lur Saizar izango da bigarren entrenatzailea, Markel Mayo prestatzaile fisikoa, eta Axel Azpiolea atezainen entrenatzailea.
Jokalarietan bai, aditzera eman du gorabeherarik taldeak. Klubean ibilbide luzea egindako hiru jokalariren agurra iragarri zuen ekainean: Paula Soroetak, Malen Lizarragak eta Eider Gonzalezek ez dute taldean segiko. Baina jokalari berriak ere iritsi dira Hernanira, eta lau fitxaketa iragarri zituzten berdeek, oporraldiaren aurretik: Maddi Anza atzelaria eta Ainhoa Beltran de Heredia aurrelaria etorri dira Antiguokotik, Uxune Gaban atzelaria Eibarretik, eta Nahikari Goicoechea atezaina Landetxatik.
Erronka zaila bezain berezia da berdeek aurretik daukatena, eta oso partidu politak izango dituzte aurretik. Horrela, esaterako, nesken futbolean historikoak diren bi klub izango dituzte kontrario, Oiartzun eta Añorga, biak ere Espainiako Lehenengo Mailan txapeldun izandakoak. Bien kasuan, aurreneko taldea da RFEF Hirugarren Mailan ari dena. Horiez gain, Realaren, Athleticen eta Eibarren hirugarren taldearen kontra ere jokatuko du Hernanik, eta baita Alavesen bigarrenaren kontra ere.
EMAKUMEZKOEN RFEF HIRUGARREN MAILA
HERNANIREN EGUTEGIA
1go jardunaldia
Irailak 13: Eibar-Hernani
2. jardunaldia
Irailak 20: Hernani-Pauldarrak
3. jardunaldia
Irailak 27: Añorga-Hernani
4. jardunaldia
Urriak 4: Hernani-Mariño Real Union
5. jardunaldia
Urriak 11: Hernani-Tolosa
6. jardunaldia
Urriak 18: Deportivo Alaves B-Hernani
7. jardunaldia
Urriak 25: Hernani-Oiartzun
8. jardunaldia
Azaroak 1: Real Sociedad C-Hernani
9. jardunaldia
Azaroak 8: Hernani-Bizkerre B
10. jardunaldia
Azaroak 15: Bilbao Artizarrak-Hernani
11. jardunaldia
Azaroak 22: Hernani-Basauriko Kimuak
12. jardunaldia
Abenduak 6: Elorrio-Hernani
13. jardunaldia
Abenduak 20: Hernani-Athletic C
14. jardunaldia
Urtarrilak 10: Hernani-Eibar C
15. jardunaldia
Urtarrilak 17: Pauldarrak-Hernani
16. jardunaldia
Urtarrilak 31: Hernani-Añorga
17. jardunaldia
Otsailak 7: Mariño Real Union-Hernani
18. jardunaldia
Otsailak 14: Tolosa-Hernani
19. jardunaldia
Otsailak 28: Hernani-Deportivo Alaves B
20. jardunaldia
Martxoak 7: Oiartzun-Hernani
21. jardunaldia
Martxoak 14: Hernani-Real Sociedad C
22. jardunaldia
Apirilak 4: Bizkerre B-Hernani
23. jardunaldia
Apirilak 18: Hernani-Bilbao Artizarrak
24. jardunaldia
Apirilak 25: Basauriko Kimuak-Hernani
25. jardunaldia
Maiatzak 2: Hernani-Elorrio
26. jardunaldia
Maiatzak 9: Athletic C-Hernani