Azken eguna du gaurkoa, Uda Parkean jaialdiaren aurtengo edizioak. Goizeko entrenamendu funtzionalik ez da izango gaurkoan, baina horren ordez, goizeko 11:00etan Urumeako biodibertsitatea ezagutzeko tailerra antolatu du Bizi Bizikik. Arratsaldean, haurrentzako ekintza ezberdinak izango dira, maskara eta slime tailerra besteak beste, 16:30etatik aurrera. Ondoren, 18:00etan Ave Maria parkea dantzan jarriko du Haatik-101 taldearen dantzaldiak, eta 19:00etan akrobazia ikuskizuna izango da, 'Duck'to'ren eskutik. Aurtengoari amaiera emateko, 22:00etan kontzertuak izango dira, Gailu eta Izaki gardenak taldeenak zehazki.
Azken eguna, Uda Parkean jaialdiarena
Aurreko egunetako aniztasun berbera izango da ekintza motei dagokienez gaurkoan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!