Azken txanpan sartu da Zikuñaga Papelera Txapelketa. Aste honetan semifinalak ari dira jokatzen Hernaniko kiroldegiko frontoian, txapelen lehian zein bikote ariko diren erabakitzeko, maila bakoitzean. Astelehenean eta asteazkenean jokatu zituzten hiruna semifinal, mutil kadete, jubenil eta seniorretan. Eta gaur arratsaldean izango dira beste hiru, 17:30etan hasita.
Oraingoan, zehazki, urrezko kadeteen, eta urrezko zein zilarrezko jubenilen semifinal bana izango dira jokoan.
Datozen egunetan izango dira azkeneko semifinalak, mutiletan zein nesketan. Eta datorren astearen bukaeran jokatuko dira finalak, oraindik eguna eta ordua zehazteko dauden arren.
ZIKUÑAGA PAPELERA TXAPELKETAN, GAUR
Kiroldegian, 17:30etan hasita
Urrezko kadeteak
Labaka-Illarramendi/ Mantzisidor-Zugasti
Zilarrezko jubenilak
Laso-Otamendi/ Martinez-Alkorta
Urrezko jubenilak
Landa-Munduate/ Perez-Elola