Bederatzi urte dira 'Atzietako mendigoizalea' pieza sortu zuela Joaquin Ortega Villar 'Canario' hernaniarrak, Incansables txarangako kideak. Iñaxio Sanzi eskainitakoa da pieza, eta 2017ko ekainaren 24an abestiaren pentagrama sinatuta oparitu zion 'Canario'k berak.
Pieza urtero jo izan du Incansables txarangak San Joanetan, Koadrilen Egunean bereziki; eta aurtengoan, Iñaxio Sanz hil zela zazpi hilabete eta erdi joan direnean, omenaldi berezia egingo diote: gaur bertan, arratsaldeko 19:00etan Plazatik Atzietako arkura joango dira, eta bertan joko dute 'Atzietako mendigoizalea'.