Beroaren iragarpenagatik, haurren danborradaren irteera aurreratzea erabaki dute Santa Barbara eta Etxeberri elkarteek. 11:00etan abiatuko dira, 11:30etan beharrean; eta ibilbidea egokituko dute unean-unean, tenperaturaren arabera.
Tenperatura altuen eraginez lekualdatu dituzte, era berean, gaur arratsaldeko 17:00etako bi jarduera: 'Sardina freskue berriro Euskaldun herrian' haur antzerkia Sandiusterrin izango da, Urbieta kalean beharrean; eta dantza solteko txapelketa Biterira mugituko dute, Plazako berotik ihesi.