Esku pelota jaialdi profesionala izango da San Joanetan, ekainaren 25ean, Hernaniko kiroldegian. Eta horretarako sarrerak gaur jarriko dituzte salgai, 18:00etatik 20:00etara, kiroldegian bertan.
Mereziko du entrada erosteak, punta-puntako pelotarien parte hartzea izango baitu jaialdiak. San Fermin txapelketako 4 1/2ko final zortzirenak jokatuko ditu Etxeberriak, Elordi eta Iker Salaberria goizuetarrak hilaren 21ean Zaldibarren jokatuko duten partiduaren irabazlearen aurka. Baina aurretik, Altuna III-Martija eta Murua-Zabaleta ariko dira norgehiagokan, bikoteka.