Buruntzaldeko Transmaribibolloak eta BDZ Euskal Herria elkarteek antolatuta, Palestinaren aldeko kuir zinema saioa izango da gaur Hernanin: arratsaldeko 18:30etan hasita, Kulturarteko Plaza Feministan.
Mundu mailako zirkuitu baten parte da emanaldia, 'Queer cinema for Palestine' ekimenak aurtengo ekainerako martxan jarri duena, 'No pride in genocide' izenarekin. 300 saio inguru eskainiko dituzte, 60 herrialdetan.
Hainbat film labur jarriko dituzte gaurko emanaldian, denak ere bertsio originalean, euskerazko azpitituluekin.