Bederatzi urteren ondoren berriro Plaza lepo beteta, berezia izan da aurtengo Preludioa. Txirrita, Eli Pagola, Kristina Solano, eta nola ez, herriko dozenaka musikari, abeslari eta dantzari protagonista izan dituen emanaldiak, festa gosez utzi ditu hernaniarrak. 'Mendirik Mendi' eta 'San Joan Zortzikoa' entzun ondoren, luze egingo zaie 10 eguneko itxaronaldia, azkeneko doinu horiek buruan bueltaka dauzkaten bitartean.