Azken txanpan sartu da Azeri Bila lasterketarako izenematea. Ekainaren 20an izango da, 18:00etan Plaza Berritik abiatuta, eta Astigarragara 10 kilometroko joan-etorria eginda, toki berean bukatuko dute. Datorren astelehenera arte eman dezakete izena parte hartu nahi dutenek: 'rockthesport.com' edo 'kronoak.com' plataformetan, 15 euroan. Era berean, gaztetxoen probetarako izenematea ere zabalik dago, ondoko formularioan: https://forms.gle/MWe4QnAozPK4Dwx8A. Haien lasterketak 17:10etan hasiko dira, eta adinaren arabera, distantzia ezberdineko ibilbidea osatuko dute.
Bestalde, antolatzaileek nabarmendu dute boluntario faltan dabiltzala, lasterketak egunean bertan eskatuko dituen lan guztietarako. Horregatik, boluntario gisa lan egiteko prest daudenei, deia luzatu diete emailera idazteko: azeribilahernani@gmail.com.